Faðir í leit að dóttur sinni Kolbrún Bergþórsdóttir skrifar 8. júní 2019 16:00 Mælt er með spennandi og áhugaverðri frumraun Stinu Jackson. Silfurvegurinn Stina Jackson Þýðing: Friðrika Benónýsdóttir Blaðsíður: 304 Útgefandi: Ugla Silfurvegurinn er fyrsta skáldsaga Stinu Jackson og var valin besta sænska glæpasagan 2018 af Sænsku glæpasagnaakademíunni. Í því vali gerði dómnefndin vel því bókin er bæði vel skrifuð og spennandi og með eftirminnilegum persónum. Söguþráðurinn er á þá leið að fyrir þremur árum hvarf Lina, dóttir Lelle, sporlaust. Allt frá því hefur Lelle í örvæntingu leitað dótturinnar sem hann er sannfærður um að sé á lífi. Hin unga Meje býr með afskiptalausri móður og verður ástfangin af pilti sem er hluti af stóreinkennilegri fjölskyldu. Leiðir Lelle og Meje liggja síðan saman. Silfurvegurinn er óvenju góð frumraun. Hún er vel skrifuð og mikil natni er lögð í persónusköpun. Myndin af föðurnum, Lelle, keyrandi um dag hvern, leitandi að dóttur sinni verður mjög áleitin og sterk. Hinni yfirþyrmandi sorg hans er lýst á áhrifamikinn hátt og sömuleiðis voninni um að dóttirin finnist. Sú ósk virðist vonlaus en Lelle rígheldur í hana. Hin umkomulausa Meje er sömuleiðis afar trúverðug persóna, ung stúlka sem þráir að finna að hún tilheyri einhverjum og setur alla sína trú á ungan pilt. Í seinni hluta sögunnar birtist ný aðalpersóna nokkuð óvænt og á alla samúð lesandans. Þar verður einnig þróun í sambandi Lelle og Meje sem er lýst á fallegan hátt. Í fyrri hluta bókarinnar er að finna sálfræðilega dýpt sem því miður er sjaldgæft að finna í glæpasögum. Seinni hluti bókarinnar er síðan mjög spennandi. Gallinn er þó sá að ýmislegt sem opinberast þar virkar ekki nægilega trúverðugt. Þar hefði höfundur mátt endurhugsa eitt og annað. Þetta breytir þó engu um það að hér er á ferð áhugaverð og spennandi frumraun. Glæpasagnaunnendur ættu ekki að missa af Silfurveginum sem er örugglega ein af bestum bókum í glæpasagnaflóði þessa vors. Bókin er ágætlega þýdd en lesandinn rekst of oft á furðulegar innsláttarvillur, sumar þeirra æpa beinlínis á hann. Slíkt á ekki að gerast.Niðurstaða: Vel skrifuð glæpasaga með eftirminnilegum aðalpersónum. Spennandi og áhrifamikil. Glæpasagnaunnendur ættu ekki að láta þessa bók framhjá sér fara. Þeir verða ekki sviknir. Bókmenntir Menning Mest lesið Tók sex ólíka stera fyrir hjartastoppið: „Þannig ég segi nei við sterum“ Lífið Balta bregst bogalistin Gagnrýni Glæsibústaðir yfir hundrað milljónum Lífið Segir Candy hafa séð að faðir hans væri „skrímsli“ á undan öðrum Lífið „Stolt af því að hafa ekki gefist upp á sjálfri mér“ Lífið Yfir sig ástfangin og býr bæði á Spáni og Íslandi Lífið Friðrik Þór og Guðrún selja 225 milljón króna parhús í Hlíðunum Lífið Glæsihöll Livar og Sverris á Arnarnesi til sölu Lífið Enn ástfangnari að sjá maka sinn í foreldrahlutverkinu Lífið Laufey Lín endar Evróputúrinn á Íslandi Tónlist Fleiri fréttir Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Silfurvegurinn Stina Jackson Þýðing: Friðrika Benónýsdóttir Blaðsíður: 304 Útgefandi: Ugla Silfurvegurinn er fyrsta skáldsaga Stinu Jackson og var valin besta sænska glæpasagan 2018 af Sænsku glæpasagnaakademíunni. Í því vali gerði dómnefndin vel því bókin er bæði vel skrifuð og spennandi og með eftirminnilegum persónum. Söguþráðurinn er á þá leið að fyrir þremur árum hvarf Lina, dóttir Lelle, sporlaust. Allt frá því hefur Lelle í örvæntingu leitað dótturinnar sem hann er sannfærður um að sé á lífi. Hin unga Meje býr með afskiptalausri móður og verður ástfangin af pilti sem er hluti af stóreinkennilegri fjölskyldu. Leiðir Lelle og Meje liggja síðan saman. Silfurvegurinn er óvenju góð frumraun. Hún er vel skrifuð og mikil natni er lögð í persónusköpun. Myndin af föðurnum, Lelle, keyrandi um dag hvern, leitandi að dóttur sinni verður mjög áleitin og sterk. Hinni yfirþyrmandi sorg hans er lýst á áhrifamikinn hátt og sömuleiðis voninni um að dóttirin finnist. Sú ósk virðist vonlaus en Lelle rígheldur í hana. Hin umkomulausa Meje er sömuleiðis afar trúverðug persóna, ung stúlka sem þráir að finna að hún tilheyri einhverjum og setur alla sína trú á ungan pilt. Í seinni hluta sögunnar birtist ný aðalpersóna nokkuð óvænt og á alla samúð lesandans. Þar verður einnig þróun í sambandi Lelle og Meje sem er lýst á fallegan hátt. Í fyrri hluta bókarinnar er að finna sálfræðilega dýpt sem því miður er sjaldgæft að finna í glæpasögum. Seinni hluti bókarinnar er síðan mjög spennandi. Gallinn er þó sá að ýmislegt sem opinberast þar virkar ekki nægilega trúverðugt. Þar hefði höfundur mátt endurhugsa eitt og annað. Þetta breytir þó engu um það að hér er á ferð áhugaverð og spennandi frumraun. Glæpasagnaunnendur ættu ekki að missa af Silfurveginum sem er örugglega ein af bestum bókum í glæpasagnaflóði þessa vors. Bókin er ágætlega þýdd en lesandinn rekst of oft á furðulegar innsláttarvillur, sumar þeirra æpa beinlínis á hann. Slíkt á ekki að gerast.Niðurstaða: Vel skrifuð glæpasaga með eftirminnilegum aðalpersónum. Spennandi og áhrifamikil. Glæpasagnaunnendur ættu ekki að láta þessa bók framhjá sér fara. Þeir verða ekki sviknir.
Bókmenntir Menning Mest lesið Tók sex ólíka stera fyrir hjartastoppið: „Þannig ég segi nei við sterum“ Lífið Balta bregst bogalistin Gagnrýni Glæsibústaðir yfir hundrað milljónum Lífið Segir Candy hafa séð að faðir hans væri „skrímsli“ á undan öðrum Lífið „Stolt af því að hafa ekki gefist upp á sjálfri mér“ Lífið Yfir sig ástfangin og býr bæði á Spáni og Íslandi Lífið Friðrik Þór og Guðrún selja 225 milljón króna parhús í Hlíðunum Lífið Glæsihöll Livar og Sverris á Arnarnesi til sölu Lífið Enn ástfangnari að sjá maka sinn í foreldrahlutverkinu Lífið Laufey Lín endar Evróputúrinn á Íslandi Tónlist Fleiri fréttir Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira