Eitt frægasta atriði kvikmyndasögunnar áhugavert án tónlistar

Kvikmyndin Titanic er einhver allra vinsælasta mynd allra tíma. Hún vann 11 Óskarsverðlaun árið 1998 en hún kom út árið 1997.

Hún halaði inn 1,84 milljarða Bandaríkjadollara og er einnig einhver tekjuhæsta kvikmynd allra tíma.

Titanic var leikstýrð af James Cameron og var hún tilnefnd til 14 Óskarsverðlauna.

Þau Kate Winslet og Leonardo Dicaprio fóru með aðalhlutverkin í Titanic en eitt frægasta atriði kvikmyndasögunnar er þegar Rose, leikin af Kate Winslet, upplifir sig fljúgandi fremst á skipinu.

Eins og í flestöllum kvikmyndum fer tónlist með gríðarlega stór hlutverk og er Titanic enginn undantekning þar á.

Tónlistin í umræddu atriði er fyrirferðarmikil en á vefsíðunni Mashable er kominn inn myndband þar sem búið er að taka út tónlistina í atriðinu. Það verður ekki sagt að það komi vel út og í raun frekar vandræðalegt eins og sjá má hér að neðan.