Framleiðslustopp á Accord vegna dræmrar sölu Finnur Thorlacius skrifar 5. apríl 2018 08:00 Honda Accord hefur í gegnum árin selst mjög vel í Bandaríkjunum. Það er kunnara en frá þurfi að segja að heimsbyggðin kallar mjög á jepplinga og jeppa þessa dagana og góð sala á slíkum bílum hefur komið mjög niður á sölu á fólksbílum, sérlega af stærri gerðinni. Einn þeirra er Honda Accord, bíll sem nýverið kom fram af nýrri kynslóð og hefur verið mærður fyrir mikil gæði. Það dugar þó ekki til ef enginn vill hann. Nú er svo komið að birgðir af Honda Accord bílum eru komnar í 107 daga í Bandaríkjunum, en meðalbirgðir bíla þar vestra eru gjarnan um 70 dagar. Það hefur orðið til þess að ákveðið hefur verið að stöðva framleiðslu hans í 11 daga í verksmiðju Honda í Marysville í Ohio-ríki. Ekki er þó hægt að segja að Honda Accord seljist beint illa því hann seldist í 322.655 eintökum í fyrra í Bandaríkjunum, en salan minnkaði þó úr 345.225 bílum árið áður. Salan hefur þó minnkað enn hraðar á þessum fyrstu mánuðum ársins í ár. Sem dæmi þá seldist Accord í 37.420 eintökum í febrúar, en salan í febrúar í fyrra var 42.991 bíll. Annar fólksbíll í svipuðum stærðarflokki er Toyota Avensis, en Toyota tók fyrir skömmu ákvörðun um að hætta framleiðslu og sölu hans í Evrópu vegna síminnkandi sölu hans þar. Birtist í Fréttablaðinu Bílar Mest lesið „Sjaldan hefur stjórnmálamaður verið hamflettur jafn rækilega“ Innlent „Það er rosalega ljótt að segja þetta en mér líður bara þannig“ Innlent Líkir aðferðum forstjóra Landsvirkjunnar við heimilisofbeldi Innlent „Hef ekki hitt neinn arkitekt sem finnst þetta góð hugmynd“ Innlent Lét högg og spörk dynja á foreldrunum í tíu klukkustundir Innlent Dregur í land og segir Starmer og félaga verðlauna Hamas Erlent Létu sprengjum rigna á Kænugarð Erlent Segir viðbrögð Bjarnheiðar vekja „óþægilegar minningar“ Innlent Meiddist á handlegg og fótum þegar glerhurð brotnaði Innlent Breiðan „tjakkast upp“ og varað við framhlaupi við hraunjaðrana Innlent
Það er kunnara en frá þurfi að segja að heimsbyggðin kallar mjög á jepplinga og jeppa þessa dagana og góð sala á slíkum bílum hefur komið mjög niður á sölu á fólksbílum, sérlega af stærri gerðinni. Einn þeirra er Honda Accord, bíll sem nýverið kom fram af nýrri kynslóð og hefur verið mærður fyrir mikil gæði. Það dugar þó ekki til ef enginn vill hann. Nú er svo komið að birgðir af Honda Accord bílum eru komnar í 107 daga í Bandaríkjunum, en meðalbirgðir bíla þar vestra eru gjarnan um 70 dagar. Það hefur orðið til þess að ákveðið hefur verið að stöðva framleiðslu hans í 11 daga í verksmiðju Honda í Marysville í Ohio-ríki. Ekki er þó hægt að segja að Honda Accord seljist beint illa því hann seldist í 322.655 eintökum í fyrra í Bandaríkjunum, en salan minnkaði þó úr 345.225 bílum árið áður. Salan hefur þó minnkað enn hraðar á þessum fyrstu mánuðum ársins í ár. Sem dæmi þá seldist Accord í 37.420 eintökum í febrúar, en salan í febrúar í fyrra var 42.991 bíll. Annar fólksbíll í svipuðum stærðarflokki er Toyota Avensis, en Toyota tók fyrir skömmu ákvörðun um að hætta framleiðslu og sölu hans í Evrópu vegna síminnkandi sölu hans þar.
Birtist í Fréttablaðinu Bílar Mest lesið „Sjaldan hefur stjórnmálamaður verið hamflettur jafn rækilega“ Innlent „Það er rosalega ljótt að segja þetta en mér líður bara þannig“ Innlent Líkir aðferðum forstjóra Landsvirkjunnar við heimilisofbeldi Innlent „Hef ekki hitt neinn arkitekt sem finnst þetta góð hugmynd“ Innlent Lét högg og spörk dynja á foreldrunum í tíu klukkustundir Innlent Dregur í land og segir Starmer og félaga verðlauna Hamas Erlent Létu sprengjum rigna á Kænugarð Erlent Segir viðbrögð Bjarnheiðar vekja „óþægilegar minningar“ Innlent Meiddist á handlegg og fótum þegar glerhurð brotnaði Innlent Breiðan „tjakkast upp“ og varað við framhlaupi við hraunjaðrana Innlent