Lexi Picasso funheitur í hljóðverinu

Rapparinn Lexi Picasso var í miklu stuði í útvarpsþættinum Kronik á X-inu á föstudaginn. 

Lexi er nýbúinn að gefa út plötuna Lexi Picasso og mætti í þáttinn til að kynna hana og fara yfir málin.

Eins og góðra rappara er siður tók hann óundirbúið freestyle og náði það miklu flugi að hann virtist geta haldið áfram langt inn í nóttina.

Kronik er á dagskrá X-ins á föstudögum milli klukkan 18 og 20 en stjórnendur þáttarins eru Benni B-Ruff og Robbi Kronik.

Hér fyrir neðan má hlusta á þáttinn frá því á föstudag í heild sinni.