GameTíví: Hellblade Senuas Sacrifice og Uncharted The Lost Legacy

Daníel Rósinkrans, frá Nörd Norðursins, gekk til liðs við Óla í Gametíví, á dögunum til þess að fjalla um leikinn Hellblade: Seunuas Sacrifice. Leikurinn fjallar um forna stríðskonu sem berst við víkinga og geðræn vandamál. Daníel er hrifinn af leiknum og segir að stundum hafi verið þörf á að vera með bleyju.

Hér að neðan má sjá hvað Daníel hefur um nýjasta leik Ninja Theory að segja.

Þau Óli, Donna og Tryggvi tóku einnig Uncharted: The Lost Legacy til skoðunar. Að þessu sinni er Nathan Drake ekki að leita að fjársjóði og fjallar leikurinn um þær Chloe og Nadine. Óli og Tryggvi viðurkenna þar fyrir alþjóð að þeir sakni Nathan Drake ekki.

Klassískur Uncharted leikur sem gengur út á að leita að fjársjóði og voru krakkarnir frekar sáttir.