Myglaðir leikskólar Sirrý Hallgrímsdóttir skrifar 29. júlí 2017 07:00 Fréttamaður: „Nú hefur komið í ljós að leikskólarnir eru að grotna niður vegna skorts á viðhaldi. Hver eru þín viðbrögð?“ Álitsgjafi úr akademíunni: „Hér eru að koma fram afleiðingarnar af þessari skefjalausu frjálshyggju, nýfrjálshyggju, sem öllu hefur stýrt, auðgildið ofar manngildinu. Í stað þess að fjárfesta í menntun og umönnun barna þá er peningunum eytt í yfirbyggingu og alls konar gæluverkefni. Auðvitað er hneyksli að heilsu barna sé stefnt í voða vegna sinnuleysis og gróðahyggju sem?…“ Fréttamaður: „Ehe, bíddu nú aðeins?…“ Álitsgjafinn: „Það er ekki eftir neinu að bíða, afleiðingarnar eru nú að koma í ljós. Sama á við um mengunarslysið hér um daginn, fullkomið virðingarleysi og hroki gagnvart borgarbúum. Það var einmitt tekið á þessu í skýrslu rannsóknarnefndar Alþingis, þessi leyndarhyggja og skortur á gagnsæi. Það á alveg jafnt við um fjármálakerfið eins og umhverfismálin og reyndar ótrúlegt að enginn skuli hafa axlað pólitíska ábyrgð á því máli. En þetta er frjálshyggjan í hnotskurn.“ Fréttamaður: „Fyrirgefðu að ég gríp fram í fyrir þér, en við erum að tala um hann Dag okkar og meirihlutann í Reykjavík.“ Álitsgjafinn: „Já, þú meinar, altso, hélt að við værum að ræða annað sveitarfélag, fyrirgefðu. En já, menn mega ekki gleyma því að fjárhagur borgarinnar er þröngur og að mínu mati hefur gengið þokkalega að snúa vörn í sókn í þessum málum þó mikið sé enn óunnið. En það má ekki horfa fram hjá þætti ríkisstjórnarinnar í þessum málum og nauðsynlegt að menn þar á bæ axli sína ábyrgð. En Reykjavík var ekki byggð á einum degi, sjáðu til.“ Viltu birta grein á Vísi? Sendu okkur póst. Senda grein Sirrý Hallgrímsdóttir Mest lesið Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun Við fylgjum þér frá getnaði til grafar Benedikt S. Benediktsson Skoðun Ef þið bara hefðuð séð heiminn út frá mínum augum: Börn & ADHD Stefán Þorri Helgason Skoðun Konur á örorku Sigríður Ingibjörg Ingadóttir,Steinunn Bragadóttir Skoðun Ekki sama hvaðan gott kemur Magnea Gná Jóhannsdóttir Skoðun Börn í meðferð eiga rétt á fagfólki orð duga ekki lengur! Steindór Þórarinsson Skoðun Greindarskerðing eða ofurgáfur með gervigreind Björgmundur Örn Guðmundsson Skoðun Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun 112. liðurinn í aðgerðaáætlun í menntamálum? Ingólfur Ásgeir Jóhannesson Skoðun
Fréttamaður: „Nú hefur komið í ljós að leikskólarnir eru að grotna niður vegna skorts á viðhaldi. Hver eru þín viðbrögð?“ Álitsgjafi úr akademíunni: „Hér eru að koma fram afleiðingarnar af þessari skefjalausu frjálshyggju, nýfrjálshyggju, sem öllu hefur stýrt, auðgildið ofar manngildinu. Í stað þess að fjárfesta í menntun og umönnun barna þá er peningunum eytt í yfirbyggingu og alls konar gæluverkefni. Auðvitað er hneyksli að heilsu barna sé stefnt í voða vegna sinnuleysis og gróðahyggju sem?…“ Fréttamaður: „Ehe, bíddu nú aðeins?…“ Álitsgjafinn: „Það er ekki eftir neinu að bíða, afleiðingarnar eru nú að koma í ljós. Sama á við um mengunarslysið hér um daginn, fullkomið virðingarleysi og hroki gagnvart borgarbúum. Það var einmitt tekið á þessu í skýrslu rannsóknarnefndar Alþingis, þessi leyndarhyggja og skortur á gagnsæi. Það á alveg jafnt við um fjármálakerfið eins og umhverfismálin og reyndar ótrúlegt að enginn skuli hafa axlað pólitíska ábyrgð á því máli. En þetta er frjálshyggjan í hnotskurn.“ Fréttamaður: „Fyrirgefðu að ég gríp fram í fyrir þér, en við erum að tala um hann Dag okkar og meirihlutann í Reykjavík.“ Álitsgjafinn: „Já, þú meinar, altso, hélt að við værum að ræða annað sveitarfélag, fyrirgefðu. En já, menn mega ekki gleyma því að fjárhagur borgarinnar er þröngur og að mínu mati hefur gengið þokkalega að snúa vörn í sókn í þessum málum þó mikið sé enn óunnið. En það má ekki horfa fram hjá þætti ríkisstjórnarinnar í þessum málum og nauðsynlegt að menn þar á bæ axli sína ábyrgð. En Reykjavík var ekki byggð á einum degi, sjáðu til.“
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun
Mega einhverf hverfa? Ármann Pálsson,Björg Torfadóttir,Sigrún Ósk,Sigurjón Már,Halldóra Hafsteins,Guðlaug Svala Kristjánsdóttir,Mamiko Dís Ragnarsdóttir Skoðun
Að hafa hemil á nýjum ófjármögnuðum útgjöldum er lykillinn að sjálfbærum rekstri sveitarfélaga Jón Ingi Hákonarson Skoðun
Homo sapiens að öðrum toga: Af hverju ætti ég eiginlega að mæta á PIFF-kvikmyndhátíðina? Ólafur Guðsteinn Kristjánsson Skoðun