Frelsi einstaklingsins Helga Vala Helgadóttir skrifar 29. maí 2017 07:00 „Frelsi einstaklingsins er grunnurinn að sanngjörnu og umburðarlyndu samfélagi þar sem virðing er borin fyrir ólíkum lífsháttum.“ Svo segir í stefnuskrá Sjálfstæðisflokksins sem eins og margir aðrir frjálslyndir flokkar telja þetta með mikilvægustu grunngildum sínum. Í tíð síðustu ríkisstjórnar sat gegnheill sjálfstæðismaður í stól menntamálaráðherra. Kom hann því til leiðar að steypa alla framhaldsskóla landsins í sama mót. Með skyldustyttingu náms úr fjórum árum í þrjú framkvæmdi hann það að val einstaklings til náms er lítið sem ekkert. Menntaskólum fækkar, nemendur, sem áður gátu valið um að stytta framhaldsskóladvöl sína í þrjú ár, hafa ekkert val lengur. Menntaskólum, eins og MR, Versló og MA, sem miðuðu nám sitt við fjögur ár en ekki þrjú var bannað að halda því áfram því ráðherra hafði tekið ákvörðun um að allir skyldu vera eins. Allir framhaldsskólar landsins skyldu steyptir í sama mót, þrjú ár skyldi það taka að ljúka stúdentsprófi því hagfræðileg úttekt sagði það gott fyrir efnahagslífið. Þetta fór nánast án umræðu í gegnum þing og samfélag. Nú er þessu fyrsta ári lokið. Sjálf hef ég fylgst með því gríðarlega álagi sem hvílir á nemendum á fyrsta ári í MR og heyrði ég að fall á fyrsta ári í þessari elstu menntastofnun landsins hefði verið nærri fjörutíu prósent! Búið er að skerða menntun þeirra svo þau koma verr undirbúin inn í háskólana. Búið er að minnka gæði skólaáranna því félagsstarf og tómstundir komast lítt fyrir í sólarhringnum. Hvað liggur á? Við lifum lengur en áður var en höfum látið hagfræðirannsóknir segja okkur að verja styttri tíma í framhaldsskóla. Hvernig gat þetta gerst? Viltu birta grein á Vísi? Sendu okkur póst. Senda grein Helga Vala Helgadóttir Mest lesið Hvað er kona? - Þörf kynjakerfisins til að skilgreina og stjórna konum Arna Magnea Danks Skoðun Nei, við skulum ekki kaupa handa þeim fleiri vopn Haraldur Ólafsson Skoðun Heilinn okkar og klukka lífsins Birna V. Baldursdóttir ,Heiðdís B. Valdimarsdóttir Skoðun Silja Bára skilur stjórnsýslu HÍ! Elva Ellertsdóttir,Kolbrún Eggertsdóttir Skoðun Nýjar ráðleggingar um mataræði María Heimisdóttir Skoðun Ég styð Ingibjörgu Gunnarsdóttur í stöðu rektors við Háskóla Íslands Herdís Sveinsdóttir Skoðun Hafðu áhrif til hádegis Bjarni Þór Sigurðsson Skoðun Í heimi sem samþykkir þjóðarmorð er ekkert jafnrétti Najlaa Attaallah Skoðun Hvalveiðar eru slæmar fyrir ímynd Íslands Clive Stacey Skoðun Stöndum vörð um hlutverk háskóla – Kjósum Kolbrúnu Ástríður Stefánsdóttir Skoðun
„Frelsi einstaklingsins er grunnurinn að sanngjörnu og umburðarlyndu samfélagi þar sem virðing er borin fyrir ólíkum lífsháttum.“ Svo segir í stefnuskrá Sjálfstæðisflokksins sem eins og margir aðrir frjálslyndir flokkar telja þetta með mikilvægustu grunngildum sínum. Í tíð síðustu ríkisstjórnar sat gegnheill sjálfstæðismaður í stól menntamálaráðherra. Kom hann því til leiðar að steypa alla framhaldsskóla landsins í sama mót. Með skyldustyttingu náms úr fjórum árum í þrjú framkvæmdi hann það að val einstaklings til náms er lítið sem ekkert. Menntaskólum fækkar, nemendur, sem áður gátu valið um að stytta framhaldsskóladvöl sína í þrjú ár, hafa ekkert val lengur. Menntaskólum, eins og MR, Versló og MA, sem miðuðu nám sitt við fjögur ár en ekki þrjú var bannað að halda því áfram því ráðherra hafði tekið ákvörðun um að allir skyldu vera eins. Allir framhaldsskólar landsins skyldu steyptir í sama mót, þrjú ár skyldi það taka að ljúka stúdentsprófi því hagfræðileg úttekt sagði það gott fyrir efnahagslífið. Þetta fór nánast án umræðu í gegnum þing og samfélag. Nú er þessu fyrsta ári lokið. Sjálf hef ég fylgst með því gríðarlega álagi sem hvílir á nemendum á fyrsta ári í MR og heyrði ég að fall á fyrsta ári í þessari elstu menntastofnun landsins hefði verið nærri fjörutíu prósent! Búið er að skerða menntun þeirra svo þau koma verr undirbúin inn í háskólana. Búið er að minnka gæði skólaáranna því félagsstarf og tómstundir komast lítt fyrir í sólarhringnum. Hvað liggur á? Við lifum lengur en áður var en höfum látið hagfræðirannsóknir segja okkur að verja styttri tíma í framhaldsskóla. Hvernig gat þetta gerst?