Pogba ekki með gegn Boro

Paul Pogba, dýrasti fótboltamaður allra tíma, missir af leik Manchester United og Middlesbrough á sunnudaginn.

Pogba meiddist aftan í læri í upphafi seinni hálfleiks í leik United og Rostov í 16-liða úrslitum Evrópudeildarinnar í gær og þurfti að fara af velli.

Pogba verður ekki með United gegn stjóralausu liði Boro í hádeginu á sunnudaginn. Hann missir væntanlega einnig af tveimur landsleikjum Frakklands síðar í mánuðinum.

United vann leikinn á Old Trafford í gær 1-0 og einvígið 2-1 samanlagt.

Dregið verður í 8-liða úrslit Evrópudeildarinnar í dag.