Börnin í heiminum María Bjarnadóttir skrifar 17. febrúar 2017 07:00 3ja ára gamalt barn komst í fréttirnar með nýju merkjatöskuna sína sem kostaði andvirði 115 þúsund íslenskra króna. Helmingur flóttamanna í heiminum eru börn og í Nepal gengur illa að ráða við að 12 ára gamlar stúlkur séu giftar fullorðnum mönnum – þó að barnagiftingar séu bannaðar með lögum í landinu. Aðstöðumunurinn sem börn heimsins búa við er skelfilegur. Framfarirnar sem manneskjum hefur tekist að ná fram eru ekki í boði fyrir alla. Þó að okkur hafi tekist að finna upp pensilín og peningamarkaðsbréf virðist okkur allsendis fyrirmunað að koma í veg fyrir að börnum sé nauðgað. Líka á Íslandi. Í sumarfríinu keyrðum við fjölskyldan í gegnum 10 lönd og jafn mörg landamæri með okkar hvítu húð og bláa vegabréf. Fengum ítrekaðar hamingjuóskir með fótboltastrákana okkar og fallegu náttúruna. Landamæraverðir eru almennt mjög spenntir fyrir að sjá norðurljósin. Í Szeged í Ungverjalandi fengum við okkur ís og keyptum evrur. Þegar við komum að landamærunum til Serbíu var ísinn rétt að klárast og krakkarnir ekki sammála um að hverjum væri komið að hafa iPadinn. Á meðan við sátum í bílnum í röðinni byrjaði að rigna eins og hellt væri úr fötu. Og þá sá ég þær. Flóttamannabúðirnar. Risavaxnar tjaldbúðir sem hýstu fjölskyldur eins og okkur. Börn sem hafa hrakist undan stríði og fá ekki annað skjól en tjald á landamærum. Berskjölduð og ekki með blátt vegabréf. Það er óþolandi að börn njóti ekki frelsis og friðar – óháð því hvar þau fæðast eða búa. Það er rétt að minna á þetta nú þegar árlegt hrun á skráningarkerfi fyrir niðurgreidd frístundaheimili á sér stað.Greinin birtist fyrst í Fréttablaðinu Viltu birta grein á Vísi? Sendu okkur póst. Senda grein María Bjarnadóttir Tengdar fréttir Hljóð og mynd Fjármálaráðherra hefur kynnt drög að eigendastefnu fyrir fjármálafyrirtæki í eigu ríkisins. 17. febrúar 2017 07:00 Mest lesið Lygin um flóttamenn á Íslandi Jón Frímann Jónsson Skoðun Viljum við stjórnarandstöðu sem þvælist ekki fyrir? Diljá Mist Einarsdóttir Skoðun Héraðsvötnin eru hjartsláttur fjarðarins Rakel Hinriksdóttir Skoðun Ef eitthvað væri að marka Bjarna Gunnar Smári Egilsson Skoðun Mismunun skýrir aukningu erlendra fanga Guðmundur Ingi Þóroddsson Skoðun Varst þú að kaupa gallaða fasteign? Sara Bryndís Þórsdóttir Skoðun Í skjóli hvíta bjargvættarins Yousef Ingi Tamimi Skoðun „Glæpir“ Íslendinga Árni Davíðsson Skoðun Störf án staðsetningar - of hátt flækjustig eða rökrétt framþróun? Hildur Ösp Gylfadóttir,Áslaug Eir Hólmgeirsdóttir Skoðun Þegar fólkið okkar langar að deyja Sigurborg Sveinsdóttir,Svava Arnardóttir Skoðun
3ja ára gamalt barn komst í fréttirnar með nýju merkjatöskuna sína sem kostaði andvirði 115 þúsund íslenskra króna. Helmingur flóttamanna í heiminum eru börn og í Nepal gengur illa að ráða við að 12 ára gamlar stúlkur séu giftar fullorðnum mönnum – þó að barnagiftingar séu bannaðar með lögum í landinu. Aðstöðumunurinn sem börn heimsins búa við er skelfilegur. Framfarirnar sem manneskjum hefur tekist að ná fram eru ekki í boði fyrir alla. Þó að okkur hafi tekist að finna upp pensilín og peningamarkaðsbréf virðist okkur allsendis fyrirmunað að koma í veg fyrir að börnum sé nauðgað. Líka á Íslandi. Í sumarfríinu keyrðum við fjölskyldan í gegnum 10 lönd og jafn mörg landamæri með okkar hvítu húð og bláa vegabréf. Fengum ítrekaðar hamingjuóskir með fótboltastrákana okkar og fallegu náttúruna. Landamæraverðir eru almennt mjög spenntir fyrir að sjá norðurljósin. Í Szeged í Ungverjalandi fengum við okkur ís og keyptum evrur. Þegar við komum að landamærunum til Serbíu var ísinn rétt að klárast og krakkarnir ekki sammála um að hverjum væri komið að hafa iPadinn. Á meðan við sátum í bílnum í röðinni byrjaði að rigna eins og hellt væri úr fötu. Og þá sá ég þær. Flóttamannabúðirnar. Risavaxnar tjaldbúðir sem hýstu fjölskyldur eins og okkur. Börn sem hafa hrakist undan stríði og fá ekki annað skjól en tjald á landamærum. Berskjölduð og ekki með blátt vegabréf. Það er óþolandi að börn njóti ekki frelsis og friðar – óháð því hvar þau fæðast eða búa. Það er rétt að minna á þetta nú þegar árlegt hrun á skráningarkerfi fyrir niðurgreidd frístundaheimili á sér stað.Greinin birtist fyrst í Fréttablaðinu
Hljóð og mynd Fjármálaráðherra hefur kynnt drög að eigendastefnu fyrir fjármálafyrirtæki í eigu ríkisins. 17. febrúar 2017 07:00
Störf án staðsetningar - of hátt flækjustig eða rökrétt framþróun? Hildur Ösp Gylfadóttir,Áslaug Eir Hólmgeirsdóttir Skoðun
Störf án staðsetningar - of hátt flækjustig eða rökrétt framþróun? Hildur Ösp Gylfadóttir,Áslaug Eir Hólmgeirsdóttir Skoðun