RAG breytir Benz rútum í lúxuskerrur

Á síðustu árum hefur orðið sprenging í ferðamannaiðnaðinum á Íslandi sem skapað hefur tækifæri fyrir nýjungar. Íslenska fyrirtækið RAG hefur verið í samstarfi við fyrirtækið BUS-PL í Póllandi, sem sérhæfir sig eingöngu í því að hanna og smíða sannkallaðar lúxusrútur og bera þær alþjóðlega heitið Arctic Edition 4x4/Arctic Edition.

RAG getur breytt og afhent 22 til 25 rútur á ársgrundvelli. Rúturnar hafa sannarlega slegið í gegn hér á landi sem og erlendis og hefur RAG þegar selt rútur til Noregs, Póllands og Svartfjallalands. Rúturnar koma nýjar úr verksmiðju Mercedes Benz í Þýskalandi og fara þaðan beint til Póllands í breytingu.  BUS-PL  er eina fyrirtækið í heiminum sem hefur leyfi frá Mercedes Benz til þess að breyta 21 manna 4x4 rútum frá þeim, sem gerir RAG leiðandi á þessum markaði á heimsvísu.

Betur búnar en áður hefur þekkst

Rafn Arnar Guðjónsson, framkvæmdastjóri RAG segir: “Rúturnar okkar eru einfaldlega betur útbúnar en áður hefur þekkst á markaðnum. Rúturnar eru með mikinn staðalbúnað ss. tveir flatskjáir, ísskápur, hiti í rúðum að framan og aftan, cruise control, bakkmyndavél, dráttarkrókur, krómpakki, rafmagn í rúðum, eco-leður ásamt mörgu fleira.

Þetta er einfaldlega annar standard.” Athyglivert verður að fylgjast með frekari þróun og vexti fyrirtækisins í komandi framtíð.Áhugasömum er bent á að kynna sér þessar breyttu rútur í höfuðstöðvum RAG að Helluhrauni 4 Hafnarfirði eða á vefsíðu fyrirtækisins, rag.is.