Wenger gæti tekið við Englandi

Arsene Wenger, stjóri Arsenal, segir að hann gæti vel hugsað sér að verða stjóri enska landsliðsins í knattspyrnu eftir að samningur hans við Arsenal rennur út.

„Gæti ég orðið þjálfari Englands, afhverju ekki? Ég myndi aldrei gefa það frá mér, en ég er ánægður í félagsliða fótbolta. England er mitt annað land," sagði hann í viðtali við beIN.

„Ég á eitt ár eftir af samningi sínum og ég hef verið með þá í lengri tíma. Ég hef alltaf virt mína samninga og mun gera það áfram," sagði Wenger, en bætti við:

„Hvað gerist eftir það? Í hreinskilni sagt, þá veit ég það ekki."

England leitar nú logandi ljósi að nýjum stjóra eftir að Roy Hodgson ákvað að hætta eftir 2-1 tap gegn Íslandi í 16-liða úrslitunum á EM.

„Ég var á hnjánum þegar England tapaði fyrir Íslandi. Ég trúði þessu ekki, en þegar þú hofrðir á leikinn aftur sástu að það versta gat gerst."

„Panikkuðu þeir eða voru þeir þreyttir? Ég veit ekki, en England fann ekki svör við því sem Ísland setti fram."