FIFA 17 virðist ætla að feta nýjar slóðir

Svo virðist sem að EA Sports ætli að prófa eitthvað nýtt fyrir næsta leik í FIFA-seríunni sem væntanlegur er í september.

Ný stikla fyrir leikinn var kynnt í dag og þar er áherslan lögð á The Journey sem nefna mætti Ferðalagið. Þar er fylgst með ungum og upprennandi leikmanni og leið hans upp á topp knattspyrnuheimsins.

Mikið virðist vera lagt í þetta og ljóst að EA Sports virðist vera að prófa eitthvað nýtt til að hressa upp á FIFA-seríuna. Þá munu knattspyrnustjórar liðanna einnig birtast á hliðarlínunni og því munu menn eins og José Mourinho og Pep Guardiola birtast í leiknum í fyrsta sinn.

Óvíst er nákvæmælega hvaða áhrif Ferðalagið eða nærvera knattspyrnustjóranna mun hafa áhrif á spilun leiksins en ljóst er að EA Sports virðist vera að stefna á að gera leikinn persónulegri en fyrri leiki.