Útgáfudagur FIFA 17 tilkynntur

EA sports tilkynntu í gær að FIFA 17 verði gefinn út þann 29. september næstkomandi. Samhliða þeirri tilkynningu var birt stikla frá leiknum. Þar kemur fram að leikurinn verður kynntur frekar þann 12. júní.

FIFA 17 kemur út á Playstation 3 og 4, Xbox 360 og One og PC. Fyrir nýju leikjatölvurnar og PC mun leikurinn keyra á Frostbita vélinni, sem að mestu hefur verið notuð í Battlefield seríuna.

Auk þess að kynna útgáfudaginn opnaði EA einnig á forsölu leiksins þar sem áhugasamir geta keypt þrjár mismunandi útgáfur.