Fyrsti laxinn kominn úr Eystri Rangá

Eystri Rangá opnar ekki fyrr en 1. júlí en fram að þeim tíma er veitt til að ná snemmgengnum laxi í klak.

Klakveiðin er eingöngu til þess gerð að ná í þessa snemmgengnu laxa til að rækta undan þeim því árangurinn ef því ræktunarstarfi skilar löxum sem koma fyrr í ánna.  Leiðsögumenn við Eystri Rangá hafa séð um að veiða þessa laxa og nú ber svo við að fyrsti laxinn er kominn úr ánni og fór hann beint í klakkistu.  Það var Róbert Rúnarsson sem náði 80 sm hrygnu á Hofteigsbreiðu og tók hún Sunray Shadow.  Róbert setti í annan lax á sama stað en sá fór af eftir stutta stund.  Róbert hefur í þá í tvígang náð fyrsta laxinum úr Eystri Rangá.  Alls veiddust 2749 laxar í Eystri Rangá í fyrra og miðað við hvernig fyrstu dagarnir í þeim ám sem þegar hafa opnað hafa komið út verður spennandi að sjá hvort það sé ekki það sama sem bíður veiðimanna í Eystri þegar hún opnar.