Sjáðu fyrstu stikluna úr X-Men: Apocalypse

Hér er komin fram fyrsta stiklan úr X-Men: Apocalypse sem frumsýnd verður í maí á næsta ári. Myndin mun segja frá baráttu ofurhetjanna úr X-Men liðinu við En Sabah Nur sem gengur undir nafninu Apocalypse og er almennt talinn í sagnabálki Marvel einn af fyrstu stökkbreyttu einstaklingurinn í ætt við þá sem eru í X-men og jafnframt einn sá allra öflugasti.

Er Apocalypse ódauðleg vera sem fæddist fyrir fimm þúsund árum. Hann lifir eftir þeirri sannfæringu að aðeins þeir sterku lifi af og að aðeins þeir sem komist í gegnum harðræði og átök séu verðugir að halda lífi.

Í gegnum Marvel-sagnabálkinn hefur hann reynt að eyða lífi á jörðinni nokkrum sinnum eins og kemur fram í meðfylgjandi stiklu. Með hlutverk Apocalypse fer Oscar Isaac en önnur aðalhlutverk eru í höndum Jennifer Lawrence, Michael Fassbender og James McAvoy. Íslendingurinn Tómas Lemarquis fer með hlutverk Calibans í myndinni sem bregður fyrir í upphafi stiklunnar.