Fyrsta Opna hús vetrarins hjá SVFR

Föstudaginn næstkomandi kl 20:00 hefst fyrsta Opna Hús vetrarins hjá Stangaveiðifélagi Reykjavíkur.

Opna húsið fer fram í sal Rafveituheimilisins í Elliðaárdalnum en desember hússins er gjarnan beðið með töluverðri eftirvæntingu enda dagarnir orðnir stuttir og veiðimönnum farið að lengja eftir sumrinu. Dagskrá kvöldins er þrælskemmtileg og Happahylurinn er glæsilegur að venju.

Dagskrá kvöldsins:

Guðni Guðbergs frá veiðimálastofnun með spekúlasjón um næsta sumar

Lárus Karl með stutta kynningu á bók sinni

Einar Falur og Guðmundur Guðjóns stikla á stóru með bók sína um Þverá Kjarrá

Hörður Vilberg fer yfir síðasta sumar á svæðum SVFR

Karl Lúðvíksson segir frá 5 uppáhaldsveiðistöðum og flugum

Dregið úr seldum Happahyls miðum

Meðal vinninga í Happahylnum að þessu sinni: 

Útsýnisflug með Atlantsflugi, Reykjavik Moon Safarí túr fyrir tvo. 

Þyrluferð með Norðurflugi, Reykjavik Summit túr fyrir tvo.

Innrammað listaverk eftir myndlistarmanninn Helga Þorgils Friðjónsson. 

Gisting á Hótel Holt með morgunmat fyrir tvo.

Eintök af Þverá/Kjarrár bók Einars Fals Ingólfssonar og GuðmundarGuðjónssonar

Eintök af bók Lárus Karls Ingasonar um túpur

SVFR mun svo að sjálfsögðu bæta vel völdum veiðileyfum í hylinn og

það er því til mikils að vinna fyrir þá sem láta sjá sig.

Aðgangur er ókeypis og það eru allir velkomnir.