Fram sigraði gömlu kempurnar í Þrótt

Úrvalsdeildarlið Fram tryggði sér í kvöld sæti í 8-liða úrslitum Coca-cola bikarsins með tólf marka sigri á Þrótt úr Vogum en í liði Þróttara er að finna marga fyrrum landsliðsmenn.

Framarar voru betri aðilinn í leiknum og leiddu frá fyrstu mínútu en gömlu kempunum í Þrótt tókst að halda í við Fram í fyrri hálfleik og fóru liðin inn í hálfleikinn í stöðunni 11-9 fyrir Fram.

Leikmenn Þróttar virtust einfaldlega vera bensínlausir í seinni hálfleik og gengu Framarar á lagið við það og unnu að lokum öruggan tólf marka sigur.