Bílar

Metinnflutningur bíla til Bandaríkjanna

Finnur Thorlacius skrifar
Bílar sem bíða umskipunar í Bandaríkjunum.
Bílar sem bíða umskipunar í Bandaríkjunum.
Aldrei í sögunni hefur innflutningur á bílum til Bandaríkjanna verið meiri en í ár. Sterk staða dollarans freistar bílframleiðenda frá öðrum heimshlutum að selja bíla sína þar. Að auki hefur þessi sterka staða dollarans hamlað bandarískum bílaframleiðendum að selja bíla sína utan heimalandsins og því er vöruskiptajöfnuðurinn í bílainn- og útflutningi verið Bandaríkjamönnum afar óhagstæður á árinu og hefur aukið á neikvæðan heildarvöruskiptajöfnuð.

Bara bílainnflutningur nemur þriðjungi af þessum neikvæða vöruskiptajöfnuði í Bandaríkjunum á árinu. Flestir bílanna sem streymt hafa til Bandaríkjanna koma frá Mexíkó, en margir bílaframleiðendur smíða bíla sína þar til innflutnings á Bandaríkjamarkaði. Ennfremur er mikill innflutningur frá Japan og Þýskalandi.

Ekki mun innflutningurinn frá Mexíkó minnka á næstu árum en bæði Ford og Toyota tilkynntu á árinu að fyrirtækin ætluðu að byggja nýjar verksmiðjur þar. Nemur fjárfesting Ford 2,5 milljörðum dollara og Toyota 1 milljarði. Í Mexíkó voru framleiddir ríflega 3 milljónir bíla í fyrra og sú tala fer bara vaxandi, enda er þar að finna ódýrt vinnuafl og gnægð verkamanna. 

Mest lesið




×

Mest lesið