Eyþór Rúnarsson bjó til ómótstæðilegan eftirrétt í þætti sínum Grill- og sumarréttir Eyþórs á Stöð 2 í gærkvöldi.
Grilluð epli með hnetusmjörs- og mjólkursúkkulaðifyllingu
4 stk græn epli
100 gr smjör (við stofuhita)
2 msk púðursykur
50 gr hnetusmjör (við stofuhita)
60 gr mjólkursúkkulaði ,
Milk of Madagascar súkkulaði 45 %
4 msk smjör (við stofuhita)
4 tsk kanilsykur (kanill og hrásykur)
100 gr salthnetur (saxaðar)
4 kúlur vanilluís
Skerið toppinn af eplunum og setjið til hliðar. Skerið kjarnann úr með parísarjárni og gerið litla holu inn í eplið. Hrærið saman smjörið,
hnetusmjörið og púðursykurinn í 2-3 mín. Skerið súkkulaðið fínt niður og blandið saman við smjörið, hnetusmjörið og púðursykurinn.
Fyllið eplin með fyllingunni og setjið toppinn af eplinu yfir. Rífið niður álpappír í hæfilegri stærð til að hylja allt eplið. Smyrjið með ca. 1 msk af smjöri og tsk. af kanilsykri hvert og eitt. Vefjið hverju epli fyrir sig inn í álpappírinn. Setjið á heitt grillið í 25 mín.
Takið úr álpappírnum og berið fram með vanilluísnum og salthnetunum.
Grilluð epli með hnetusmjörs- og mjólkursúkkulaðifyllingu
Tengdar fréttir
Vanillukrem og marengs með jarðarberjum og bláberjum
Ómótstæðilegur eftirréttur úr smiðju Eyþórs Rúnarssonar úr þættinum Eldhúsið hans Eyþórs á Stöð 2. Í síðasta þætti voru egg í aðalhlutverki og því ekki úr vegi að baka marens.
Ólífukökur úr Eldhúsinu hans Eyþórs
Í síðasta þætti Elhússins hans Eyþór var aðaláherslan lögð á ólífur. Í þessu smákökum er bæði að finna ólífuolíu sem og ólífurnar sjálfar. Þær eru mjög skemmtilegar og alveg tilvaldar með ísköldu freyðivíni.
Hindberjahrákaka með pekanhnetubotni
Þessi væri flott í kaffiboðinu á sunnudaginn
Grilluð T-bone steik með Chimichurri og ómótstæðilegu kartöflusalati
Hinn frábæri sjónvarpskokkur Eyþór Rúnarsson hefur snúið aftur á skjáinn á Stöð 2 á fimmtudögum. Í þáttunum í sumar kemur hann til með að búa til gómsæta og girnilega rétti beint af grillinu.
