Bleikjan loksins farin að taka í Þingvallavatni Karl Lúðvíksson skrifar 9. júní 2015 14:48 Bleikjan er loksins farin að taka agn veiðimanna við Þingvallavatn. Mynd: Magnús Þór Ágústsson Eftir veðurofsann sem gekk yfir landið í gær og í nótt taldist það heldur ólíklegt að einhver færi út að veiða í morgun. Sú var samt engu að síður raunin og í morgun voru nokkrir gallvaskir veiðimenn mættir upp á Þingvallavatn. Það borgaði sig greinilega að vera árisull í morgun og mæta snemma við vatnið því bleikjan var greinilega í tökustuði og loksins mætt upp á grynningarnar. Takan var sérstaklega góð í morgun þrátt fyrir nokkurn vind og af þeim veiðimönnum sem við höfum heyrt í eftir morguninn voru flestir eitthvað varir og nokkrir sem gerðu ágætis veiði. Trausti Einarsson gerði til að mynda fína veiði í morgun en hann náði 12 flottum bleikjum á land og missti þar að auki fleiri. "Þetta byrjaði bara strax í fyrstu köstunum þegar ég náði einni þriggja punda og svo var ég meira og minna í fiski til hádegis en þá kallaði ég þetta bara gott enda orðinn vel saddur" sagði Trausti í samtali við Veiðivísi í morgun. Bleikjan var að taka Peacock, Frisco og Killer á löngum taum og mjög hægum inndrætti, veiðiaðferð sem flestir þekkja sem stunda vatnaveiði mikið. Það er mikið ánægjuefni að heyra góðar fréttir ofan af vatninu því það voru margir farnir að hafa áhyggjur af því að veiðin yrði léleg í ár en eins og sumarið þá er bleikjan bara vel á eftir áætlun. Stangveiði Mest lesið Ágæt veiði í opnun Veiðivatna þrátt fyrir kulda og trekk Veiði Stórir urriðar á sveimi við Þjóðgarðinn Veiði 9 kg lax úr Eystri Rangá í morgun Veiði Ótrúlegur eltingaleikur við risalax - myndband Veiði Lokatölur úr Veiðivötnum Veiði Svíar leita til Íslands með veiðifyrirkomulag Veiði Fréttir af svæðum SVFR Veiði Þegar veðrið breytir öllu í veiði Veiði 100 urriðar á einum degi á ION Veiði Nýtt veiðihús klárt fyrir næsta sumar í Brynjudalsá Veiði
Eftir veðurofsann sem gekk yfir landið í gær og í nótt taldist það heldur ólíklegt að einhver færi út að veiða í morgun. Sú var samt engu að síður raunin og í morgun voru nokkrir gallvaskir veiðimenn mættir upp á Þingvallavatn. Það borgaði sig greinilega að vera árisull í morgun og mæta snemma við vatnið því bleikjan var greinilega í tökustuði og loksins mætt upp á grynningarnar. Takan var sérstaklega góð í morgun þrátt fyrir nokkurn vind og af þeim veiðimönnum sem við höfum heyrt í eftir morguninn voru flestir eitthvað varir og nokkrir sem gerðu ágætis veiði. Trausti Einarsson gerði til að mynda fína veiði í morgun en hann náði 12 flottum bleikjum á land og missti þar að auki fleiri. "Þetta byrjaði bara strax í fyrstu köstunum þegar ég náði einni þriggja punda og svo var ég meira og minna í fiski til hádegis en þá kallaði ég þetta bara gott enda orðinn vel saddur" sagði Trausti í samtali við Veiðivísi í morgun. Bleikjan var að taka Peacock, Frisco og Killer á löngum taum og mjög hægum inndrætti, veiðiaðferð sem flestir þekkja sem stunda vatnaveiði mikið. Það er mikið ánægjuefni að heyra góðar fréttir ofan af vatninu því það voru margir farnir að hafa áhyggjur af því að veiðin yrði léleg í ár en eins og sumarið þá er bleikjan bara vel á eftir áætlun.
Stangveiði Mest lesið Ágæt veiði í opnun Veiðivatna þrátt fyrir kulda og trekk Veiði Stórir urriðar á sveimi við Þjóðgarðinn Veiði 9 kg lax úr Eystri Rangá í morgun Veiði Ótrúlegur eltingaleikur við risalax - myndband Veiði Lokatölur úr Veiðivötnum Veiði Svíar leita til Íslands með veiðifyrirkomulag Veiði Fréttir af svæðum SVFR Veiði Þegar veðrið breytir öllu í veiði Veiði 100 urriðar á einum degi á ION Veiði Nýtt veiðihús klárt fyrir næsta sumar í Brynjudalsá Veiði