Giedrius áfram á Ásvöllum

Markvörðurinn Giedrius Morkunas leikur áfram með Haukum í Olís-deild karla í handbolta en nýr samning þess efnis var undirritaður í gær.

Þetta eru góðar fréttir fyrir stuðningsmenn Hauka en Giedrius fór á kostum í úrslitakeppninni í vor þegar Haukar tryggðu sér Íslandsmeistaratitilinn í tíunda skipti í sögu félagsins.

Giedrius, sem er Lithái, hefur verið í herbúðum Hauka frá 2012 en unnusta hans, Marija Gedroit, leikur með kvennaliði félagsins.

Haukar verða með nýjan mann í brúnni á næsta tímabili en Gunnar Magnússon tók við liðinu af Patreki Jóhannessyni í vor.