Tíu bestu innréttingarnar

Wards Automotive í Bandaríkjunum velur á hverju ári lista 10 nýrra bíla sem skarta bestu innréttingunni og nýverið birti Wards hvaða bílar sköruðu framúr. Að þessu sinni var enginn bíll á listanum dýrari en 65.000 dollarar en í fyrra voru 2 bílar á listanum með sex tölustafa verðmiða og annar þeirra Rolls Royce Wraith. Listinn í ár er svona og verð hvers þeirra vestanhafs í sviga:

• BMW i3 ($52,550)
• Chrysler 300C Platinum ($51,175)
• Ford F-150 King Ranch ($60,675)
• GMC Canyon SLT ($40,465)
• Honda Jazz EX-L ($21,590)
• Jeep Renegade Limited ($33,205)
• Kia Sedona SXL ($43,295)
• Mazda6 Grand Touring ($33,395)
• Mercedes C400 ($65,000)
• Nissan Murano SL ($41,905)

Við mat á bílunum er horft til, efnisnotkunar, þæginda, virkni, öryggis og smíðagæða innréttinganna. Það kemur nokkuð á óvart að ódýrir bílar eins og Honda Jazz, Mazda6 og Jeep Renegade skuli komast á þennan lista, en í sínum ódýrustu útfærslum kosta þeir ekki nema, 16.000, 22.000 og 25.000 dollara. Engu að síður virðast innréttingar þeirra vera mjög vandaðar.

Bandarískir framleiðendur eiga 4 bíla á listanum, japanskir 3, þýskir 2 og Kia frá S-Kóreu 1.