"Hann hefur ekki mætt á æfingu hjá okkur" | Kári og Jóhann fara á kostum

Kári Kristján Kristjánsson, línumaður Vals og Jóhann Gunnar Einarsson, stórskytta Aftureldingar, voru ekki með liðum sínum í dag þegar þau mættust í lokaumferð Olís-deildar karla.

Þeir voru í staðinn álitsgjafar í beinni útsendingu RÚV frá leiknum, en Þorkell Gunnar Sigurbjörnsson stýrði spjalli með þeim félögum fyrir og eftir leik. Einnig var spjallað í hálfleik, en þeir félagar léku á alls oddi.

Afturelding vann leikinn með tveimur mörkum, 23-25, en meira má lesa um leikinn hér.

Þeir félagar fóru á kostum í útsendingunni og það vantaði ekkert upp á húmorinn. Þorkell spurði meðal annars Kára hvort það væri einhver ný nöfn í hópnum. Kári svaraði þá því að Sigurvin Ármansson hafði ekki mætt á æfingu með liðinu. Þorkell spurði Kára hvort hann væri að grínast, en svo var ekki.

Allt innslagið má sjá hér, en innslagið er um nítján mínútna langt.