Bílar

Kia með nýjan tvinnjeppling

Finnur Thorlacius skrifar
Ekki fá forvitnir mikið að sjá af bílnum í fyrstu.
Ekki fá forvitnir mikið að sjá af bílnum í fyrstu.
Á bílasýningunni í Chicago sem hefst 12. febrúar ætlar Kia að kynna nýjan jeppling sem bæði verður drifinn áfram af hefðbundinni bensínvél sem og rafmótorum. Bíllinn verður fjórhjóladrifinn og Kia segir að hann sé mjög seigur torfærubíll með fremur grófgert útlit.

Samkvæmt því gæti hann verið líkt og Kia Soul á sterum, en víst er að hann er þónokkuð háfættari en Kia Soul. Þessi bíll á að henta fólki sem eyðir mestum tíma sínum innan borgarmarkanna, en hefur engu að síður þörf fyrir bíl sem treysta má á erfiðari slóðum stöku sinnum.

Þessi hugmyndabíll Kia er því ekki ýkja fjarri hugmyndafræðinni bakvið Mitsubishi Outlander, sem einnig er tvinnbíll sem fær á að vera að fara ótroðnar slóðir. Báða þessa bíla er ódýrt að reka þar sem flestir þeir kílómetrar sem þeim er ekið er eingöngu á rafmagni.

Mest lesið




×

Mest lesið