Tíu söluhæstu bílar í Bandaríkjunum í fyrra

Eitt árið enn var pallbíllinn Ford F-150 söluhæsti bíllinn í Bandaríkjunum á nýliðnu ári. Þetta er 33. árið í röð sem Ford F-150 er söluhæsti bíllinn og 38. árið sem hann er söluhæsti pallbíllinn.

Ford F-150 seldist í 753.851 eintökum, örlítið minna en í fyrra er hann seldist í 763.402 eintökum. Athygli vekur að í næstu tveimur sætunum eru einnig pallbílar, Chevrolet Silverado sem seldist í 529.755 eintökum og Ram 1500-3500 sem 439.789 bílar seldust af.

Það er svo ekki fyrr en í fjórða sætinu sem finná má fólksbíl, Toyota Camry, sem er fyrir vikið söluhæsti fólksbíllinn 13. árið í röð þar vestra. Hann seldist í 428.606 eintökum. Listi söluhæstu bílanna lýtur svona út.

Ford F-150                     753.851 seldir bílar

Chevrolet Silverado      529.755 seldir bílar

Ram 1500-3500           439.789 seldir bílar

Toyota Camry               428.606 seldir bílar

Honda Accord               388.374 seldir bílar

Toyota Corolla              339.498 seldir bílar

Nissan Altima               335.644 seldir bílar

Honda CR-V                 335.019 seldir bílar

Honda Civic                  325.981 seldir bílar

Ford Mondeo               306.860 seldir bílar