Hvar er Útvegsspilið? Lilja Katrín Gunnarsdóttir skrifar 29. ágúst 2014 09:21 Hver man ekki eftir Útvegsspilinu? Það var spilið sem var dregið fram á tyllidögum á áttunda áratug síðustu aldar á nánast hverju einasta heimili í landinu. Spilið sem margir hafa taugar til. Ég og minn heittelskaði ástmaður höfum leitað að Útvegsspilinu logandi ljósi út um allt síðustu vikur og mánuði. Ég hef heimsótt alla nytjamarkaði á höfuðborgarsvæðinu og nágrenni til að finna þetta goðsagnakennda spil en allt kemur fyrir ekki – ég finn það ekki. Og alltaf þegar ég spyr um það hjá mér eldra fólki í þessum verslunum kemur það af fjöllum. Eins og það viti ekkert um hvað ég er að tala. Sömu sögu er að segja um ástvini okkar og fjölskyldu. Það kannast enginn við spilið og hafa margir jafnvel dregið það í efa að það hafi nokkurn tímann verið til. Þetta hefur vakið mikið óöryggi hjá mér og mínum manni. Var spilið ekki örugglega til? Eða er það bara ímyndun ein? Við höfum heyrt að það hafi verið endurútgefið í seinni tíð undir heitinu Allir upp á dekk. Enginn kannast við það spil heldur. Hvað veldur? Nú erum við rólyndisfólk og látum ekki margt slá okkur út af laginu en eina skýringin er samsæri. Samsæri sem felst í því að neita tilvist Útvegsspilsins. Láta sem það hafi aldrei verið til. Kynslóðunum fyrir ofan okkur er greinilega mikið í mun að hindra það að við fáum að spila þetta spil. Ég gæti útskýrt það með einhverjum hætti ef ég myndi nákvæmlega út á hvað spilið gengur. En einhvers staðar er það. Eða hefur verið hylmt yfir brotthvarf spilsins með einhverjum hætti? Óupplýstu sakamáli jafnvel? Það er nóg af þeim. Er það kannski kyrfilega geymt í hvelfingum Seðlabankans? Eru þau ef til vill öll heima hjá Sigmundi Davíð? Voru pappírspeningarnir notaðir sem veð í ekkert í góðærinu? Ég veit ekki með ykkur, en ég heimta svör. P.s. Ef einhver kallar þetta nútímavandamál moldviðri þá tryllist ég. Viltu birta grein á Vísi? Sendu okkur póst. Senda grein Lilja Katrín Gunnarsdóttir Mest lesið Flokkur fólksins eða flokkun fólksins? Halldóra Lillý Jóhannsdóttir Skoðun Hver ætlar að bera ábyrgð á mannslífi? Sævar Þór Jónsson Skoðun Íslendingar flytja út fisk og líka ofbeldismenn Guðný S. Bjarnadóttir Skoðun Er útlegð á innleið? Reyn Alpha Magnúsdóttir Skoðun Betri nýting á tíma og fjármunum Reykjavíkurborgar 2/3 Magnea Gná Jóhannsdóttir Skoðun Skólarnir lokaðir - myglan vinnur Guðmundur Þórir Sigurðsson Skoðun Horfumst í augu Kristín Thoroddsen Skoðun 30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson Skoðun Lægjum öldurnar Halla Hrund Logadóttir Skoðun
Hver man ekki eftir Útvegsspilinu? Það var spilið sem var dregið fram á tyllidögum á áttunda áratug síðustu aldar á nánast hverju einasta heimili í landinu. Spilið sem margir hafa taugar til. Ég og minn heittelskaði ástmaður höfum leitað að Útvegsspilinu logandi ljósi út um allt síðustu vikur og mánuði. Ég hef heimsótt alla nytjamarkaði á höfuðborgarsvæðinu og nágrenni til að finna þetta goðsagnakennda spil en allt kemur fyrir ekki – ég finn það ekki. Og alltaf þegar ég spyr um það hjá mér eldra fólki í þessum verslunum kemur það af fjöllum. Eins og það viti ekkert um hvað ég er að tala. Sömu sögu er að segja um ástvini okkar og fjölskyldu. Það kannast enginn við spilið og hafa margir jafnvel dregið það í efa að það hafi nokkurn tímann verið til. Þetta hefur vakið mikið óöryggi hjá mér og mínum manni. Var spilið ekki örugglega til? Eða er það bara ímyndun ein? Við höfum heyrt að það hafi verið endurútgefið í seinni tíð undir heitinu Allir upp á dekk. Enginn kannast við það spil heldur. Hvað veldur? Nú erum við rólyndisfólk og látum ekki margt slá okkur út af laginu en eina skýringin er samsæri. Samsæri sem felst í því að neita tilvist Útvegsspilsins. Láta sem það hafi aldrei verið til. Kynslóðunum fyrir ofan okkur er greinilega mikið í mun að hindra það að við fáum að spila þetta spil. Ég gæti útskýrt það með einhverjum hætti ef ég myndi nákvæmlega út á hvað spilið gengur. En einhvers staðar er það. Eða hefur verið hylmt yfir brotthvarf spilsins með einhverjum hætti? Óupplýstu sakamáli jafnvel? Það er nóg af þeim. Er það kannski kyrfilega geymt í hvelfingum Seðlabankans? Eru þau ef til vill öll heima hjá Sigmundi Davíð? Voru pappírspeningarnir notaðir sem veð í ekkert í góðærinu? Ég veit ekki með ykkur, en ég heimta svör. P.s. Ef einhver kallar þetta nútímavandamál moldviðri þá tryllist ég.
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson Skoðun
30 silfurpeningar dýralækna? 125.000 lítrar af blóði tappaðir af 4088 merum (með valdi), af eiðsvörðum dýralæknum, 2023 Ole Anton Bieltvedt Skoðun
Börn á flótta – nýtt líf, nýtt tungumál og nýtt tækifæri í íslenskum grunnskólum Friðþjófur Helgi Karlsson Skoðun