Fyrsta mynd Angelinu í fjögur ár Lilja Katrín Gunnarsdóttir skrifar 5. júní 2014 14:30 Disney-myndin Maleficent fjallar um illu nornina Maleficent sem lagði þau álög á Þyrnirós að áður en sólin gengi til viðar á sextán ára afmælisdegi hennar myndi hún stinga sig á snældu og deyja. Í sögunni sem flestir þekkja er því haldið fram að ástæðan fyrir þessu illvirki nornarinnar sé að hún hafi móðgast þegar henni var ekki boðið að vera við skírn Þyrnirósar. Í þessari mynd kemur hins vegar í ljós að Maleficent hafði aðrar og veigameiri ástæður fyrir gjörðum sínum. Talið er að myndin verði einn af sumarsmellum þessa árs en þetta er fyrsta mynd Angelinu Jolie í fjögur ár; síðast lék hún í kvikmyndinni The Tourist árið 2010. Angelina hafði mikinn áhuga á að leika í myndinni strax frá byrjun, þar sem hún ólst upp við að horfa á Disney-myndir, sérstaklega Þyrnirós frá árinu 1959. „Maleficent hefur verið í uppáhaldi hjá mér síðan ég var lítil stúlka. Ég var dauðhrædd við hana en ég dróst líka að henni. Mig langaði að vita meira um hana. Hún bar með sér þokka og fágun en hún var líka grimm á yndislegan og magnaðan hátt,“ segir Angelina. Hún vildi einnig leika í myndinni fyrir börnin sín en dóttir hennar og Brads Pitt, Vivienne Jolie-Pitt, leikur unga Þyrnirós í myndinni. Angelina leikur ekki aðeins í myndinni heldur var með puttana í ýmsum málum, þar á meðal búningum og förðun sem var innblásin af söngkonunni Lady Gaga. Þá valdi hún söngkonuna Lönu Del Rey til að syngja titillag myndarinnar, Once Upon a Dream, en lagið kom út í lok janúar á þessu ári. Auk Angelinu fara Elle Fanning, Sharlto Copley, Lesley Manville, Brenton Thwaites, Sam Riley og Imelda Staunton með aðalhlutverkin en leikstjóri er Robert Stromberg.Stærsta frumsýningarhelgi leikkonunnar Maleficent fór beint á toppinn í Bandaríkjunum um frumsýningarhelgina og þénaði 69,4 milljónir dollara, tæpa átta milljarða króna. Er þetta stærsta frumsýningarhelgi Angelinu Jolie til þessa sem og þriðja stærsta frumsýningarhelgi leikkonu í sögunni. Þá þénaði myndin 100,6 milljónir dollara, tæpan ellefu og hálfan milljarð króna, í 47 löndum fyrir utan Bandaríkin um frumsýningarhelgina. Það er þriðja stærsta frumsýningarhelgin í Evrópu á þessu ári og stærsta frumsýningarhelgi Angelinu á alþjóðamarkaði. Mest lesið Covidsmitaður Al Pacino var nær dauða en lífi Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið „Það er önnur hver gella með í vörunum“ Lífið „Ég var heppinn. En ekki hann“ Lífið „Það braut ísinn að við hefðum deitað sama gaurinn“ Lífið Með húsaflutninga á heilanum Lífið Sigmundur og hvolpurinn gleðjast yfir fylgi Miðflokksins Lífið Skrúfaði titrarann í sundur til að forða nágrönnum frá ónæði Lífið Karlmennskuhlaðvarpið heyrir sögunni til Lífið Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira
Disney-myndin Maleficent fjallar um illu nornina Maleficent sem lagði þau álög á Þyrnirós að áður en sólin gengi til viðar á sextán ára afmælisdegi hennar myndi hún stinga sig á snældu og deyja. Í sögunni sem flestir þekkja er því haldið fram að ástæðan fyrir þessu illvirki nornarinnar sé að hún hafi móðgast þegar henni var ekki boðið að vera við skírn Þyrnirósar. Í þessari mynd kemur hins vegar í ljós að Maleficent hafði aðrar og veigameiri ástæður fyrir gjörðum sínum. Talið er að myndin verði einn af sumarsmellum þessa árs en þetta er fyrsta mynd Angelinu Jolie í fjögur ár; síðast lék hún í kvikmyndinni The Tourist árið 2010. Angelina hafði mikinn áhuga á að leika í myndinni strax frá byrjun, þar sem hún ólst upp við að horfa á Disney-myndir, sérstaklega Þyrnirós frá árinu 1959. „Maleficent hefur verið í uppáhaldi hjá mér síðan ég var lítil stúlka. Ég var dauðhrædd við hana en ég dróst líka að henni. Mig langaði að vita meira um hana. Hún bar með sér þokka og fágun en hún var líka grimm á yndislegan og magnaðan hátt,“ segir Angelina. Hún vildi einnig leika í myndinni fyrir börnin sín en dóttir hennar og Brads Pitt, Vivienne Jolie-Pitt, leikur unga Þyrnirós í myndinni. Angelina leikur ekki aðeins í myndinni heldur var með puttana í ýmsum málum, þar á meðal búningum og förðun sem var innblásin af söngkonunni Lady Gaga. Þá valdi hún söngkonuna Lönu Del Rey til að syngja titillag myndarinnar, Once Upon a Dream, en lagið kom út í lok janúar á þessu ári. Auk Angelinu fara Elle Fanning, Sharlto Copley, Lesley Manville, Brenton Thwaites, Sam Riley og Imelda Staunton með aðalhlutverkin en leikstjóri er Robert Stromberg.Stærsta frumsýningarhelgi leikkonunnar Maleficent fór beint á toppinn í Bandaríkjunum um frumsýningarhelgina og þénaði 69,4 milljónir dollara, tæpa átta milljarða króna. Er þetta stærsta frumsýningarhelgi Angelinu Jolie til þessa sem og þriðja stærsta frumsýningarhelgi leikkonu í sögunni. Þá þénaði myndin 100,6 milljónir dollara, tæpan ellefu og hálfan milljarð króna, í 47 löndum fyrir utan Bandaríkin um frumsýningarhelgina. Það er þriðja stærsta frumsýningarhelgin í Evrópu á þessu ári og stærsta frumsýningarhelgi Angelinu á alþjóðamarkaði.
Mest lesið Covidsmitaður Al Pacino var nær dauða en lífi Lífið Dolly gefur 135 milljónir vegna Helenu Lífið Myndaveisla: Eliza Reid og Ásdís Spanó létu sig ekki vanta í Núllið Lífið „Það er önnur hver gella með í vörunum“ Lífið „Ég var heppinn. En ekki hann“ Lífið „Það braut ísinn að við hefðum deitað sama gaurinn“ Lífið Með húsaflutninga á heilanum Lífið Sigmundur og hvolpurinn gleðjast yfir fylgi Miðflokksins Lífið Skrúfaði titrarann í sundur til að forða nágrönnum frá ónæði Lífið Karlmennskuhlaðvarpið heyrir sögunni til Lífið Fleiri fréttir Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira