Umsóknarvefur SVFR kominn í loftið

Stangaveiðifélag Reykjavíkur hefur sett umsóknarvefinn í loftið og geta félagsmenn nú sótt um leyfi hjá félaginu.

Það er nokkuð öruggt að sum svæði og sum tímabil njóta alltaf meiri vinsælda en önnur og má þá t.d. nefna Hítará, fyrstu dagana í Langá, opnun Laxá í Mývatnssveit og Elliðaárnar en annars reikna menn með heldur færri sæki um leyfi í ár miðað við árið í fyrra og er það mjög eðlilegur fylgifiskur ára þar sem veiðin er róleg.  Það á þó ekki við um Elliðaárnar en mikill umsóknarþungi hefur gjarnan verið um ánna nema helst þá viðbótardagana í september sem er eiginlega alveg óskiljanlegt því það er mjög góður tími í ánni.

Fáksrúð í Dölum á væntanlega eftir að njóta mikilla vinsælda enda hefur hún ekki verið hjá SVFR áður og eftir að Laxá í Dölum fór frá félaginu vantaði aðra á til að fylla upp í það tómarúm og Fáskrúð því kærkomin viðbót fyrir félagsmenn SVFR.  Önnur ársvæði sem þarf yfirleitt A leyfi, og þá hóp til að fylla holl sé ætlun að tryggja sér umbeðna daga, eru til að mynda Bíldsfell í Soginu en það svæði nýtur gífurlegra vinsælda.  Farið verður í að vinna úr umsóknum á nýju ári.  Þú getur sótt umsóknina þína um veiðileyfi hjá SVFR hér.