Runka sér einu sinni á dag

Rachel Hills, blaðakona tímaritsins Cosmopolitan, talaði við fjóra karlmenn á þrítugsaldri um sjálfsfróun. Viðtalið birtir hún á vefsíðu tímaritsins en karlmennirnir koma ekki fram undir nafni. Eru þeir á aldrinum 24 ára til 29 ára.

Karlmennirnir eru meðal annars spurðir hve oft þeir runka sér á dag.

„Yfirleitt einu sinni á dag nema þegar ég er að ferðast með öðrum eða eitthvað annað er í gangi. Oftar en einu sinni á dag ef ég er lengi einn og niðurlútur,“ segir maður A. „Að meðaltali einu sinni á dag,“ bætir maður B við. Maður C segist yfirleitt runka sér tvisvar á dag og maður D runkar sér fjórum sinnum á dag núna þar sem hann er í sambandi þar sem barist er um völdin og nú má hann ekki fá fullnægingu.

Mismunandi er hvar þeir runka sér.

„Vanalega við skrifborðið mitt eða í rúminu mínu,“ segir maður D og maður C bætir við: „Heima, yfirleitt fyrir svefn eða lúr.“

Maður B er kvæntur en menn C og D eru í sambandi. Maður A er einhleypur. Þeir segja maka sína vita af sjálfsfróunarmynstrinu.

„Maki minn veit af mínum sjálfsfróunarvenjum og ég veit af hennar,“ segir maður C. Hann segist runka sér jafnmikið þegar hann er einhleypur og þegar hann er í sambandi. Hann segist oftast hugsa um maka sinn þegar hann runkar sér. Maður B hugsar stundum um klám.

Þeir byrjuðu allir að stunda sjálfsfróun um 10 eða 11 ára aldurinn. Þeir geta ekki dæmt um hvort sé betra – sjálfsfróun eða kynlíf.

„Þetta er tvennt ólíkt. Mér finnst kynlíf betra en þetta hefur bæði kosti og galla,“ segir maður B.

Viðtalið við mennina fjóra má lesa í heild sinni á vef Cosmopolitan.