Citroën C4 Cactus valinn besti Crossover bíllinn

Citroën C4 Cactus sigraði í flokki Crossover bíla á Next Green Car verðlaunahátíðinni fyrir árið 2014. Citroën C4 Cactus BlueHDi 100 útgáfan gefur aðeins frá sér 82g/km af koltvísýringi.

Aðeins tveimur mánuðum eftir að Citroën C4 Cactus var fyrst kynntur í Bretlandi hefur hann sigraði í flokki Crossover bíla á 2014 Green Car Awards. Bíllinn er hannaður til þess að draga úr öllum kostnaði fyrir eiganda bílsins. Því er náð með því meðal annars að hafa bílinn léttan.

Annað séreinkenni C4 Cactus er Airbump hlífðarklæðningin sem er einstök á heimsvísu. Sveigjanleg klæðningin ver bílinn fyrir minniháttar hnjaski og rispum og gefur honum á sama tíma sitt einstaka útlit. C4 Cactus hefur þar að auki mjög lága eldsneytiseyðslu.

Dómarar Next Green Car sögðu meðal annars að einstakt útlit Citroën C4 Cactus vekti athygli, það hefði verið sérlega gott að keyra bílinn og að hann væri sparneytnasti bíllinn í sínum flokki.

Frá því að Citroën C4 Cactus var frumsýndur á bílasýningunni í Genf fyrr á þessu ári hefur hann fengið fjöldan allan af viðurkenningum. Hann hefur til dæmis verið valinn Bíll ársins 2015 í Danmörku og TopGear valdi C4 Cactus besta 5 dyra fólksbílinn.

Brimborg, umboðsaðili Citroën á Íslandi, tekur nú við forpöntunum fyrir Citroën C4 Cactus en fyrstu bílarnir eru væntanlegir til Íslands í janúar. Allar nánari upplýsingar um C4 Cactus má finna á nýju heimasíðu Citroën á Íslandi.