Syngur All I Want For Christmas Is You með tuttugu mismunandi röddum

Anthony Vincent er búinn að setja sína útgáfu af jólalaginu All I Want For Christmas Is You á netið en lagið gerði söngkonan Mariah Carey frægt eins og flestir vita.

Útgáfa Anthonys er stórskemmtilegt en hann syngur lagið með tuttugu mismunandi röddum, til dæmis í stíl Usher, Billy Joel, Bruce Springsteen, Blink 182 og Tom Jomes.

Anthony sló rækilega í gegn fyrr á árinu þegar að hann setti sína útgáfu af Dark Horse með Katy Perry á YouTube. Búið er að horfa á það myndband yfir 13 milljón sinnum.