Stórleikirnir í Coca Cola bikarnum eru hjá konunum

Í hálfleik á leik Aftureldingar og HK í Olís-deild karla í handbolta var dregið í 32 liða úrslitum karla og 16 liða úrslitum kvenna í Coca Cola bikarnum í handbolta.

Stórliðin sluppu við hvort annað hjá körlunum en hjá konunum drógust hinsvegar fjögur efstu liðin saman. Þar stendur upp úr leikur Fram og Gróttu en liðin hafa unnið fimm fyrstu leiki sína í Olís-deildinni og mætast einmitt um næstu helgi.

Stjarnan og ÍBV mætast einnig í fyrstu umferð bikarkeppninnar hjá konunum og það er því ljóst að tvö af bestu liðum deildarinnar komast ekki í átta liða úrslitin í ár.

Handknattleikssambandið notaði líka tækifærið og skrifaði jafnframt undir nýjan samstarfssamning við Vífilfell til þriggja ára og keppnin mun því bera nafn Coca Cola næstu árin.

Hér fyrir neðan má sjá hvaða lið drógust saman hjá bæði körlum og konum.

32 liða úrslit Coca Cola bikar karla:

Grótta-ÍR

Selfoss-Valur

KR2-Víkingur

Fjölnir2-Fram

ÍH-Afturelding

Sitja hjá: KR1, Stjarnan, Þróttur, ÍBV2, Haukar2, Fjölnir, HK, Akureyri, FH, Haukar, ÍBV.

16 liða úrslit Coca Cola bikar kvenna:

Grótta - Fram

Fjölnir - Fylkir

HK - KA/Þór

Afturelding - ÍR

ÍBV2 - Haukar

FH - Selfoss

Stjarnan - ÍBV

Sitja hjá: Valur

Í 32 liða úrslitum karla mætast Grótta-ÍR, Selfoss-Valur, KR2-Víkingur, Fjölnir2-Fram, ÍH-Afturelding

— HSÍ (@HSI_Iceland) October 23, 2014

Í 16 liða úrslitum kvenna mætast: Grótta-Fram, Fjölnir-Fylkir, HK-KA/Þór, Afturelding-ÍR, ÍBV2-Haukar, FH-Selfoss, Stjarnan-ÍBV

— HSÍ (@HSI_Iceland) October 23, 2014