Bílar

Volkswagen XL1 með 4 hurðum og sætum

Finnur Thorlacius skrifar
Hinn ofursparneytni Volkswagen XL1.
Hinn ofursparneytni Volkswagen XL1.
Þó svo að framleiðsla hins ofursparneytna bíls XL1 frá Volkswagen sé afar takmörkuð í fyrstu hefur Volkswagen hug á því að taka framleiðslu hans á næsta stig. Það fæli í sér að framleiða hann fyrir fjóra farþega og þá með fjórum hurðum.

XL1 eyðir svo litlu sem 0,9 lítrum á hverja hundrað kílómetra, vegur aðeins 794 kíló, en tekur aðeins 2 farþega. Nýr fjögurra sæta XL1 myndi vega aðeins meira, en þó ekki nema 940 kíló, eða svipað og nýr Volkswagen up!

Heyrst hefur að nýr fjögurra sæta XL1 fengi heitið XL2 og það er sjálfur forstjóri Volkswagen, Ferdinand Piëch sé sá áhugasamasti um framleiðslu hans. Hann vill viðhalda ímynd Volkswagen sem brautryðjandi í framleiðslu á ofursparsömum bílum.

Honda mun á næsta ári setja á markað ofursparneytinn bíl sem bera mun heitið Honda FCEV og það gæti haft áhrif á ákvörðun Volkswagen um frekari þróun XL1 bílsins. Hætt er við því að Volkswagen þurfi að lækka verulega framleiðslukostnað XL2, en núverandi XL1 kostar 17,2 milljónir króna og því verður hann seint einhver magnsölubíll. 

Mest lesið




×

Mest lesið