Veiði

Stórlaxahrota hjá síðasta holli í Víðidalsá

Karl Lúðvíksson skrifar
Bjarki Jóhannesson með stærsta laxinn í hollinu sem var 105 sm og veiddist í Dalsárós
Bjarki Jóhannesson með stærsta laxinn í hollinu sem var 105 sm og veiddist í Dalsárós
Haustið er mjög vinsæll tími í þeim ám þar sem veiðimenn geta átt von á stórlaxi enda fara stóru hængarnir af stað og verða tökuglaðir þegar þeir eru að detta í hrygningarham.

Víðidalsá er ein af þessum ám sem nýtur mikilla vinsælda í haustveiði og síðasta holl sem lauk veiðum í gær lenti heldur betur í stórveiði en samtals landaði hollið 28 löxum og mest af því stórlax.  Sá stærsti til þessa 103 cm og 55cm í ummál.  Bjarki Jóhannesson var klukkutíma og korter að landa þessum höfðingja í Dalsárósi sem tók 1/2" Frigga.  Valgarð Ragnarsson tók einn 96 sm úr Agnesarhyl, Rö-gnvaldur Jónsson tók 86 sm hrygnu í Efri Kæli og svo tók Jóhann K. Jóhannsson eina 84 sm hrygnu í Dalsárós.  Öllum löxunum er að sjálfsögðu sleppt eftir viðureignina.  Víðidalsá hefur gefið 517 laxa í sumar og september hefur oft reynst drjúgur mánuður svo það má alveg reikna með að áin gæti náð 600 löxum.  Sumarið 2013 veiddust 909 laxar í ánni.   

Stangveiði

Mest lesið




×

Mest lesið