Eystri Rangá komin á toppinn

Nýjar tölur frá Landssambandi Veiðifélaga voru birtar í gær og það kom ekki mörgum á óvart að sjá Eystri Rangá stela toppsætinu af Blöndu.

Veiðin í Eystri Rangá er búin að vera nokkuð jöfn og áin nær líklega 2000 löxum fyrst laxveiðiánna í þessari viku.  Blanda heldur samt sem áður áfram að vera sterk og það er ekkert ólíklegt að hún nái líka 2000 löxum og sama má segja um Ytri Rangá en hún er komin í 1453 laxa og það eru ennþá 3 vikur í að maðkveiðin byrji þar á bæ en þá kemur alltaf góður kippur í veiðitölurnar.  Þverá/Kjarrá og Miðfjarðará eru einnig komnar yfir 1000 laxa og eru menn þar á bæ hæstánægðir enda gott hlutfall stórlaxa sem hefur glatt veiðimenn á bökkunum ár í sumar.  Selá og Hofsá eru sömuleiðis komnar af stað og þá sérstaklega Selá en Laxá á Ásum heldur áfram að koma á óvart á þessu ári og er komin í 789 laxa á sínar tvær stangir.  Það styttist í síðustu dagana í nokkrum ám og þegar veiði líkur í þeim verður fróðlegt að bera saman bækurnar og skoða árið í samengi við veiði síðustu ára.  Topp 10 listinn er hér er neðan en listann í heild sinni má finna á www.angling.is