Sportveiðiblaðið er komið út

,,Það er bara mjög fjölbeytt hjá okkur blaðið og vonandi finna allir eitthvað við sitt hæfi,, sagði Gunnar Bender ritstjóri er var á fleygiferð að dreifa blaðinu á Norðurland, i þegar við höfum samband við hannm  en Sportveiðiblaðið var að koma í gærdag.

Annað tölublað ársins af Sportveiðiblaðinu er komið úr prentun og er það væntanlegt til áskrifenda á næstu dögum.  Í blaðinu er skemmtilegt viðtal við Bubba Morthens, kónginn sjálfan, en Eggert Skúlason blaðamaður fer yfir málin með honum.  Skúli Björn Gunnarsson fer yfir ævintýralegan veiðiferill föðurs síns, Gunnars Gutt, sem er orðið 85 ára og er sennilega fyrsti eða með fyrstu veiðileiðsögumönnum með hreindýraveiðum, auk þess að vera ein afkastamesta refaskytta landsins í gegnum tíðina.

Árni Friðleifsson er löggan sem stýrir Stangó, en hann tók að sér formennsku í SVFR á síðasta aðalfundi. Eggert Skúlason spjallar við hann um félagið og veiðiskap.  Ríkarður Hjálmarsson er öflugur veiðimaður og byrjaði snemma að veiða.  Hann er afkomandi fyrstu fluguveiðimanna landsins. Trausti Hafliðason tók viðtal við kappan þar sem við skyggnumst inn í hans veiðilíf.

Við kíkjum til Þór Nielsen, fluguhnýtara og veiðimanns og tökum hann tali.  Hann sýnir okkur í kistuna sína og við tókum myndir af eftirlætis silungaflugunum hans.  Skagaheiðin er paradís veiðimannsins.  Í blaðinu er kort af svæðinu og smá umfjöllun.  Erling Ingvason, tannlæknir, segir okkur frá uppáhaldsánni sinni, Hafralónsá.  Ragnar Hólm Ragnarsson segir okkur frá degi í Mýrarkvísl og Elías Pétur Þórarinsson segir okkur frá ósasvæðinu í Laxá í Ásum.   Fluguhnýtingahornið er á sínum stað...

.... og margt fleira