Fékk fjóra laxa og alla yfir 90 sm í Víðidalsá

Víðidalsá er þekkt stórlaxaá og þangað fara margir veiðimenn reglulega til þess eins að eiga möguleika á slag við stórlax.

Víðidalsá fer fljótlega í 400 laxa en heildarveiðin í fyrra var 909 laxar ásamt því að gífurlega mikið af bleikju var í ánni í fyrra sem bættu alverulega upp bleikjuleysi 2012.  Veiðimenn sem hafa verið við ánna síðustu daga njóta þess að það hefur lækkað í ánni og greinilega hefur það komið laxinum af stað.  Þormóður Jónsson hefur væntanlega fengið veiðilukkuna með sér þegar hann mætti í ánna en hann náði fjórum löxum sem allir voru yfir 90 sm og þar af einn 100 sm úr Dalsárós.  Veiðin er aðeins rétt rúmlega hálfnuð í Víðidalnum og frábær tími eftir svo áin á ennþá eftir að bæta sig verulega í veiðitölum en hvort hún verði nálgæt veiðinni í fyrra verður bara að koma í ljós.