Í hlutverki ballerínu í nýju myndbandi

Nýtt tónlistarmyndband við lagið Shake It Off með Taylor Swift er komið á netið.

Í myndbandinu bregður Taylor sér til dæmis í hlutverk ballerínu og er lagið ansi hreint poppað.

Taylor gefur út nýja plötu, 1989, 27. október og vísar titillinn í tónlist frá níunda áratug síðustu aldar sem Taylor er afar hrifin af.

Taylor segir þetta vera sína fyrstu, alvöru poppplötu en hún hefur í gegnum tíðina verið tengd við kántrítónlist.

Viðhafnarútgáfa af plötunni verður einnig gefin út en með henni fylgja meðal annars upptökur frá Taylor sjálfri um hvernig lögin urðu til.