Kemur stærsti laxinn í sumar upp af Nessvæðinu?

Veiðin í Laxá í Aðaldal hefur verið ágæt þrátt fyrir að engar smálaxagöngur hafi sýnt sig í ánni enda skiptir það kannski engu máli því engin fer í Aðaldalinn til að elta smálaxa.

Áin er ekki kölluð "Drottningin" að ástæðulausu enda þykir umhverfi hennar fagurt og það sem meira er, þegar þú stendur og kastar flugu í ánna og færð töku eru yfirgnæfandi líkur á að þú sért með metfiskinn þinn undir.  Þetta hafa veiðimenn verið að upplifa í sumar og sérstaklega hafa stóru laxarnir sýnt sig vel á Nessvæðinu sem er frægt fyrir stórlaxa.  Áin er að detta í frábært vatn eftir að hafa bólgnað aðeins í veðurhamnum í byrjun júlí og er kominn  í gullvatn eins og það er kallað.  Þeir sem hafa verið í ánni síðustu dagana hafa reist töluvert af laxi og náð nokkrum á land en það hafa líkar sloppið vænir laxar.  Venjulega er uppselt í ánna á þessum tíma en við rákum augun í lausa daga inná Veiða.is sem verða líkelga fljótir að fara þegar stórlaxafréttir berast af bökkum Laxár.