Ætla sér að leggja Lars Ulrich

Chad Smith, trommuleikari Red Hot Chilli Peppers hefur nú tilkynnt að trommueinvígi hans og grínistans Will Ferrell, hafi undið allhressilega upp á sig og að nú beinist kjuðinn að Lars Ulrich, trommuleikara Metallica.

Fyrir ekki svo löngu fór fram mikið einvígi á milli Smiths og Ferrells en það fór fram í The Tonight Show hjá Jimmy Fallon. Þar voru þeir klæddir í eins klæðnað og ekki spillir fyrir að þeir eru tvífarar.

Ferrell sagði í samtali við Spin að annað trommueinvígi væri á dagskránni og þá með þriðja aðila. „Lars verður oft pirraður því honum er oft ruglað saman við mig eða Chad Smith,“ sagði Ferrell.

Það eru eflaust margir sem bíða ólmir eftir þessu magnaða einvígi.