Nýjasta plata Coldplay er gleymanleg

Gagnrýnendur eru ekki mjög hrifnir af nýjustu plötu Coldplay, Ghost Stories, sem kom út fyrir stuttu.

Derek Thompson hjá The Atlantic segir plötuna þá gleymanlegustu sem sveitin hefur gefið út og að hún sé hvorki flókin né spennandi. Larry Fitzmaurice hjá Pitchfork tekur í sama streng.

Jason Lipshutz hjá Billboard er aðeins jákvæðari og segir það hressandi að heyra forsöngvarann Chris Martin deila tilfinningum sínum með hlustendum þó platan sé snauð af tilþrifamiklum stundum.

Caryn Ganz hjá Rolling Stone gefur plötunni þrjár og hálfa stjörnu og segir hana ólíka öðru sem sveitin hefur gert.

Jim Farber hjá N.Y. Daily News gefur Ghost Stories hins vegar bara tvær stjörnur og segir hana gegnsæja og ósexí. Hann er ekki hrifinn af lagasmíðum Chris Martin um skilnaðinn við leikkonuna Gwyneth Paltrow.

"Ástarsorg er hræðilegur hlutur til að sóa fyrir lagahöfund. En sársauki Ghost Stories ásækir mann ekki. Hann þreytir mann."