Bílar

Nýjasti bíll Koenigsegg er 1.341 kíló og 1.341 hestafl.

Finnur Thorlacius skrifar
Koenigsegg Agera One:1.
Koenigsegg Agera One:1.
Nafnið á nýjast bíl sænska bílaframleiðandans Koenigsegg er viðeigandi en hann heitir Agera One:1. Það er til marks um það að fyrir hvert hvert kílógramm sem bíllinn vegur er eitt hestafl í farteskinu. Hann er semsagt 1.341 kíló og 1.341 hestafl.

Vélin í bílnum er 5 lítra V8 með tveimur forþjöppum. Hún dugar honum til að ná 439 kílómetra hraða á klukkustund, en ekki kemur fram hvað hann er snöggur í hundraðið, en það gæti legið nálægt 2 sekúndum. Bíllinn er á afar breiðum dekkjum og þegar hann fer fyrir horn myndast 2G þrýstingur á ökumann, eitthvað sem ekki allir eru til í að upplifa.

Þegar bíllinn er á 250 km hraða þrýstist hann niður, vegna hinna ýmsu vindkljúfa, með 610 kílóa þrýstingi í götuna til að auka stöðugleika hans. Koenigsegg áformar að smíða aðeins 6 bíla af þessari gerð og víst er að þau eru ekki ódýr. Annað er þó víst, þau eru öll uppseld. Agera One:1 er nú til sýnis á bílasýningunni í Genf. 

Bíllinn er nú til sýnis á bílasýningunni í Genf.

Mest lesið




×

Mest lesið