Mótorhjólalögga vill verða formaður SVFR

Árni Friðleifsson lögregluvarðstjóri hefur sent félagsmönnum í Stangaveiðifélagi Reykjavíkur bréf þar sem hann tilkynnir um fyrirætlanir sínar að bjóða sig fram til formanns SVFR. Aðalfundur er 27. febrúar næstkomandi.

Þetta ætti ekki að koma mönnum í opna skjöldu því hann hefur setið í stjórn félagsins og verið varaformaður frá árinu 2011. „Ég er vel inn í þeim málum sem undanfarið hafa verið á dagskrá hjá stjórn félagsins,“ segir Árni meðal annars. Hann segir árin hafi verið sérstök og tekist hafi að snúa félaginu af ógæfubraut.

Formaður SVFR er Bjarni Júlíusson en hann ætlar ekki að gefa kost á sér aftur.