Future rappar fyrir framan spegil

Rapparinn Future frumsýndi nýtt tónlistarmyndband við lag sitt How It Was í vikunni.

Upprunalega var lagið hluti af tölvuleiknum Grand Theft Auto V, en lagið er þykir einnig líklegt til að verða á næstu plötu rapparans, sem heitir Honest.

Tónlistarmyndbandið er í einfaldari kantinum og þar má sjá Future rappa fyrir framan spegil.

Future, sem er unnusti tónlistarkonunnar Ciara, kemur líklega til með að gefa Honest út síðar á árinu.

Platan, sem inniheldur lög unnin í samvinnu við tónlistarmenn á borð við Miley Cyrus og Nicki Minaj, átti að koma út í nóvember á þessu ári en útgáfunni var frestað.

Hér að neðan má sjá tónlistarmyndbandið nýja.