Endurfundir Bítlanna

Fyrrum Bítlarnir, Paul McCartney og Ringo Starr, komu fram á Grammy-verðlaunahátíðinni í nótt og sungu saman nýjast lag McCartney, Queenie Eye, við gríðarlegan fögnuð viðstaddra. 

Sögusagnir höfðu verið um að eftirlifandi meðlimir hljómsveitarinnar goðsagnakenndu myndu koma fram á verðlaunahátíðinni, sem haldin var í nótt í 56. sinn, en þó hafði ekkert verið staðfest í þeim efnum. Það vakti því gríðarlega lukku þegar Starr og McCartney fluttu lagið.

Fyrr um kvöldið hafði Ringo Starr komið fram einn og sungið lagið Photograph.

Sjón er sögu ríkari.