Skoda Octavia mest seldi bíllinn árið 2013

Skoda Octavia var mest seldi bíllinn á Íslandi á nýliðnu ári eins og svo oft áður. Raunar hafa fáir bílar slegið jafn rækilega í gegn á íslenskum bílamarkaði síðustu áratugi eins og Skoda Octavia gerði þegar hann kom fram á sjónarsviðið í nóvember 1996. Þessi nýi bíll náði þá strax hylli kaupenda en hann var smíðaður í glænýjum verksmiðjum Skoda í  Mladá Boleslav í Tékklandi, sem virðist hafa skilaði sér í miklum gæðum og lágri bilanatíðni.

Vinsældir Octavia eru taldar stafa af því að hann er öruggur, sparneytinn og rúmgóður  auk þess að vera ávallt á hagstæðu verði. Enn fremur hefur nýtt og glæsilegt útlit þriðju  kynslóðar Octavia hitt í mark hjá íslenskum bílakaupendum.  Bandalag íslenskra bílablaðamanna (BÍBB) valdi Skoda Octavia bíl ársins 2014. Auk  þess að vera sigurvegari í flokki stærri fólksbíla fékk Skoda Octavia hæstu einkunn af þeim níu bílum sem öttu kappi í lokaúrslitunum. Er því óhætt að segja að almenningur og gagnrýnendur á Íslandi séu á einu máli um ágæti Octavia.

Núna eru til sýnis í sal Heklu að Laugavegi 170 Octavia RS og Octavia Combi RS. Eru þeir bæði í boði með bensínvél og dísilvél. Bensínútfærslan er 220 hestöfl og díselútfærslan 184 hestöfl. Þá er Octavia Scout 4X4 væntanlegur til landsins í lok árs og verður hann betur kynntur síðar.