Kia GT4 Stinger í Detroit Finnur Thorlacius skrifar 16. janúar 2014 00:01 Laglegur lítill sportari frá Kia. Einn af athygliverðari bílum sem svipt hefur verið hulunni af á bílasýningunni í Detroit er þessi sportbíll frá Kia. Vilja sumir meina að hann sé ekki bara tilraunabíll heldur sé þess ekki langt að bíða að hann rúlli af framleiðslulínu Kia. Bíllinn hefur fengið nafnið Kia GT4 Stinger og er 315 hestafla tryllitæki og fyrsti raunverulegi sportbíll Kia. Kia er þekkt fyrir það að smíða flesta þá bíla sem fyrirtækið hefur kynnt þó svo að forsvarsmenn Kia segi að þessi bíll sé aðeins hugmyndabíll, en vonandi eru þeir að fela upplýsingar með því. Eins og hér hefur áður verið greint frá áður á hann að keppa í verði við Toyota GT86/Subaru BRZ sportbílinn, en hann er samt miklu öflugri. Þessi bíll mun væntanlega, ef hann fer í framleiðslu, eiga margt sameiginlegt með Hyundai Genesis sem Hyundai framleiddi að mestu fyrir Bandaríkjamarkað, rétt eins og þessum bíl yrði ætlað. Kia GT4 Stinger er með 2+2 sætafyrirkomulag og hann er beinskiptur, en þetta á hvorttveggja vel við sportbíl. Bíllinn er á 20 tommu felgum og fimmtán tommu Brembo bremsur sjá um að stöðva hann á örskömmum tíma, sem ætti ekki að vera svo erfitt fyrir 1.300 kílóa bíl. Því er ekki að neita að bíllinn er fallegur og langt húdd hans og coupe-lag hans eykur á sportlegt útlitið. Hann er ekki svo ólíkur Nissan 240Z með langt húdd og halaklipptan enda og er þar ekki svo leiðum að líkjast. Hrikalega flottur að innan og með körfusæti. Mest lesið Gekk nakinn í veg fyrir bíla á Suðurlandsvegi Innlent Fannst 73 árum eftir að hafa verið rænt Erlent Sænsk glæpagengi sendi fólk til Íslands Innlent Skiptast á eldflaugum í massavís Erlent Ánægður með frumvarp sjálfstæðismanna Innlent Tjóðraði móður sína við stól til að drepa eiginmann sinn Erlent Sæðisgjafar tilkynni það fjölskyldu sinni svo ekki verði „slys“ Innlent Alþingismerkið hafi aldrei verið heilagt Innlent Jörðin fær tímabundið annað tungl Erlent Varpa sprengjum á fjölbýlishús í Karkív Erlent
Einn af athygliverðari bílum sem svipt hefur verið hulunni af á bílasýningunni í Detroit er þessi sportbíll frá Kia. Vilja sumir meina að hann sé ekki bara tilraunabíll heldur sé þess ekki langt að bíða að hann rúlli af framleiðslulínu Kia. Bíllinn hefur fengið nafnið Kia GT4 Stinger og er 315 hestafla tryllitæki og fyrsti raunverulegi sportbíll Kia. Kia er þekkt fyrir það að smíða flesta þá bíla sem fyrirtækið hefur kynnt þó svo að forsvarsmenn Kia segi að þessi bíll sé aðeins hugmyndabíll, en vonandi eru þeir að fela upplýsingar með því. Eins og hér hefur áður verið greint frá áður á hann að keppa í verði við Toyota GT86/Subaru BRZ sportbílinn, en hann er samt miklu öflugri. Þessi bíll mun væntanlega, ef hann fer í framleiðslu, eiga margt sameiginlegt með Hyundai Genesis sem Hyundai framleiddi að mestu fyrir Bandaríkjamarkað, rétt eins og þessum bíl yrði ætlað. Kia GT4 Stinger er með 2+2 sætafyrirkomulag og hann er beinskiptur, en þetta á hvorttveggja vel við sportbíl. Bíllinn er á 20 tommu felgum og fimmtán tommu Brembo bremsur sjá um að stöðva hann á örskömmum tíma, sem ætti ekki að vera svo erfitt fyrir 1.300 kílóa bíl. Því er ekki að neita að bíllinn er fallegur og langt húdd hans og coupe-lag hans eykur á sportlegt útlitið. Hann er ekki svo ólíkur Nissan 240Z með langt húdd og halaklipptan enda og er þar ekki svo leiðum að líkjast. Hrikalega flottur að innan og með körfusæti.
Mest lesið Gekk nakinn í veg fyrir bíla á Suðurlandsvegi Innlent Fannst 73 árum eftir að hafa verið rænt Erlent Sænsk glæpagengi sendi fólk til Íslands Innlent Skiptast á eldflaugum í massavís Erlent Ánægður með frumvarp sjálfstæðismanna Innlent Tjóðraði móður sína við stól til að drepa eiginmann sinn Erlent Sæðisgjafar tilkynni það fjölskyldu sinni svo ekki verði „slys“ Innlent Alþingismerkið hafi aldrei verið heilagt Innlent Jörðin fær tímabundið annað tungl Erlent Varpa sprengjum á fjölbýlishús í Karkív Erlent