Doktor Gunni vekur athygli í Rolling Stone

David Fricke, sem er einn af ritstjórum hins virta virta tímarits Rolling Stone, dásamaði fyrir skömmu bókinni Blue Eyed Pop eftir Gunnar Lárus Hjálmarsson, sem er líklega best þekktur sem Doktor Gunni.

Um er að ræða pistil sem Fricke skrifaði á síðuna, þar sem hann gerir upp árið 2013. Þar fór hann fögrum orðum um bókina en í henni er íslensk tónlistarsaga gróflega rakin. Fricke kemur árlega til landsins til að vera viðstaddur Iceland Airwaves-hátíðina.

„Ég hitti hann á síðustu Airwaves-hátið en þekki hann afskaplega lítið. Hann kom fyrst hingað til lands árið 1988 til að taka viðtal við Sykurmolanna,“ útskýrir Doktor Gunni.

Í sama pistli talar Fricke um eftirminnileg augnablik á árinu sem hann upplifiði, en á meðal þeirra eru tónleikar Bruce Springsteens og The E Street Band á Ítalíu, hans síðasta viðtal við Lou Reed sem lést á árinu og tónleikar Brians Wilsons og Jeff Becks í Beacon-leikhúsinu í New York.

Bókina skrifaði Doktorinn fyrir útlendinga, svo þeir gætu fræðst um okkar dásamlegu tónlistarmenningu- og sögu en hún kom einmitt út um það leyti þegar Fricke var staddur á landinu.

„Ég er mjög ánægður með þetta, því það erfitt að koma svona bók á framfæri erlendis, því eins og er er hún eingöngu seld í búðum á Íslandi og í gegnum netið“ bætir Doktorinn við. Bókin er nokkurs konar samantekt úr bókinni Stuð vors lands eftir Doktor Gunna en hún kom út árið 2012.

Pistil David Fricke má lesa í heild sinni hér.