Smákökur úr íslensku súkkulaði

Kjartan Gíslason matreiðslumaður stendur að hinu glænýja Omnom-súkkulaði ásamt Karli Viggó Karlssyni konditorimeistara, Óskari Þórðarsyni og André Úlfi Visage.

Kjartan setti saman uppskrift að ilmandi jólasmákökum úr hvítu súkkulaði en Dirty Blonde frá Omnom er eina hvíta súkkulaðið sem framleitt er á Íslandi. Kremið á milli laga er úr Madagascar-súkkulaði frá Omnom.

Smákökur með Dirty Blonde, nibbum, anísfræjum og dökku súkkulaðikremi

• 300 g ósaltað smjör, við stofuhita
• 240 g hrásykur
• 100 g púðursykur
• 2 stk. vanillustangir eða 1 tsk. vanilludropar
• 290 g hveiti
• 60 g haframjöl
• 1 tsk. lyftiduft
• 200 g Dirty Blonde frá Omnom, saxað
• Til að rúlla upp úr
• Fínt rifinn börkur af 2 appelsínum
• 3 msk. anísfræ
• 3 msk. kakónibbur

Aðferð

1. Blandið öllu saman í skál.
2. Hitið ofninn í 170°C.
3. Þeytið saman smjör og sykur í hrærivél þar til ljóst og létt.
4. Bætið við fræjum úr vanillustöngum eða vanilludropum.
5. Bætið við hveiti, lyftidufti og haframjöli og látið rétt svo blandast við.
6. Setjið súkkulaðið út í og blandið þar til það er orðið jafnt í deiginu.
7. Rúllið út í þykka pylsu og pakkið í plastfilmu og kælið í a.m.k. klst.
8. Takið deigið úr plastfilmunni og veltið upp úr appelsínuberki, anísfræjum og kakónibbum. 
9. Skerið í 1 cm þykkar sneiðar og setjið á bökunarplötu með pappír. Bakið við 170°C í 8-12 mín.
10. Kælið og sprautið kremi á milli.

Þeytt Madagascar 66% súkkulaðikrem

• 500 g rjómi
• 160 g Madagascar 66% frá Omnom
• 4 g matarlím

Aðferð

1. Leggið matarlím í kalt vatn, hitið mjólk að suðu, setjið matarlímið út í og hellið yfir súkkulaðið og blandið vel saman með töfrasprota.
2. Kælið vel (5 tíma).
3. Þeytið og sprautið á smákökuna og lokið með annarri.