Voyage í janúar hjá Nuclear Blast

Útgáfudagur hefur verið ákveðinn fyrir aðra plötu rokktríósins The Vintage Caravan, Voyage, hjá Nuclear Blast.

Platan kemur út 10. janúar um víða veröld og verður hún einnig gefin út á vínyl.

Stutt er síðan hljómsveitin samdi við Nuclear Blast, sem er stærsta sjálfstæða þungarokksútgáfa í heimi. Búast má við umfangsmikilli tónleikaferð erlendis hjá The Vintage Caravan til að fylgja plötunni eftir.

Einnig hefur verið staðfest að rokkararnir spili á hátíðinni Eistnaflugi í júlí á næsta ári.